ഇന്നലെ മനിതി സംഘടന ശബരിമലയില്‍ ഉണ്ടാക്കിയ സമ്മര്‍ദത്തിന്റെ കെട്ട് മാറും മുമ്പ് ദേ വീണ്ടും യുവതികളെത്തി. രണ്ടും കല്‍പ്പിച്ചുള്ള യുവതികളുടെ മലകയറ്റത്തില്‍ കേരളം ഞെട്ടിയിരിക്കുകയാണ്. 
പ്രതിഷേധങ്ങള്‍ക്കിടയിലും അയ്യപ്പ ദര്‍ശനം നടത്താതെ മടങ്ങില്ലെന്ന നിലപാടിലുറച്ച് ശബരിമല കയറുന്ന രണ്ട് യുവതികള്‍. യാതൊരുകാരണവശാലും തിരികെപോകില്ലെന്നും പ്രതിഷേധമുണ്ടായാലും മല കയറുമെന്നും ശാസ്താവിനെ കാണുമെന്നും യുവതികള്‍ പറഞ്ഞു. സുരക്ഷ ഒരുക്കേണ്ടത് പോലീസിന്റെ ഉത്തരവാദിത്വമാണെന്നു പറഞ്ഞ ഇവര്‍ ഭരണഘടന സംരക്ഷിക്കുക മാത്രമാണ് തങ്ങളുടെ ലക്ഷ്യമെന്നും കൂട്ടിച്ചേര്‍ത്തു.

നിലയ്ക്കല്‍ എത്തിയാല്‍ സംരക്ഷണം ഒരുക്കാമെന്ന മുഖ്യമന്ത്രിയുടെ വാക്ക് പ്രതീക്ഷിച്ചാണ് തങ്ങള്‍ ഇവിടെയെത്തിയത്. യാതൊരുകാരണവശാലും തിരികെപോകില്ല. സുപ്രീംകോടതി വിധിയുടെ അടിസ്ഥാനത്തില്‍ സംരക്ഷണം ഏര്‍പ്പെടുത്തേണ്ടത് പൊലീസിന്റെ ഉത്തരവാദിത്വമാണ് ബിന്ദു പറഞ്ഞു. 

തങ്ങളുടെ ആവശ്യം ഭരണഘടന വിധി നടപ്പാക്കുകയെന്നതും സ്ത്രീകളുടെ തുല്യഅവകാശം ഉറപ്പാക്കുകയുമാണെന്നും ഇവര്‍ പറഞ്ഞു. പ്രതിഷേധം നടത്തുന്നവര്‍ നിയമലംഘനമാണ് നടത്തുന്നതെന്നും തങ്ങള്‍ നിയമം പാലിക്കുകയാണ് ചെയ്യുന്നതെന്നും ഇവര്‍ കൂട്ടിച്ചേര്‍ത്തു.