കൊച്ചിയില്‍ ബ്യൂട്ടി പാര്‍ലര്‍ വെടിവെപ്പിന് പിന്നില്‍ അധോലോക നായകന്‍ രവി പൂജാരി തന്നെയെന്ന് പൊലീസ് സ്ഥിരീകരണവുമായി പോലീസ്. നടി ലീന മരിയ പോളിന് ലഭിച്ച സന്ദേശം രവി പൂജാരിയുടേതാണെന്ന് പൊലീസ് കണ്ടെത്തിയതിനെ തുടര്‍ന്നാണ് പൊലീസ് സ്ഥിരീകരണം.

ബ്യൂട്ടി പാര്‍ലര്‍ വെടിവെയ്പ്പുമായി ബന്ധപ്പെട്ട് ഒരു സംഘം അന്വേഷണ ഉദ്യോഗസ്ഥര്‍ മംഗലൂരുവിലെത്തിയിരുന്നു. തുടര്‍ന്ന് കര്‍ണാടക പൊലീസിന്റെ കൈവശമുള്ള രവി പൂജാരിയുടെ ശബ്ദ സാമ്ബിളുകളും അന്വേഷണ സംഘത്തിന്റെ കൈവശമുള്ള ശബ്ദ സാമ്ബിളുകളും പരിശേധിക്കുകയും രവി പൂജാരി തന്നെയാണ് സംഭവത്തിന് പിന്നിലെന്ന് സ്ഥിരീകരിക്കുകയുമായിരുന്നു.

സംഭവത്തിന് പിന്നില്‍ രവി പൂജാരിയാണെന്ന് വ്യക്തമായതോടെ ഇയാളുടെ കൂടെയുള്ളവരിലേക്കും പൊലീസ് അന്വേഷണം വ്യാപിപ്പിച്ചിരിക്കുകയാണ്. വെടിവെപ്പ് നടത്തിയവര്‍ക്ക് പ്രാദേശിക സഹായം ലഭിച്ചിട്ടുണ്ടോ എന്ന കാര്യത്തിലും അന്വേഷണം നടന്ന് വരികയാണ്. സീപോര്‍ട്ട് എയര്‍പോര്‍ട്ട് റോഡിലൂടെയാണ് വെടി വെച്ച ശേഷം പ്രതികള്‍ കടന്നുകളഞ്ഞതെന്ന് പൊലീസ് കണ്ടെത്തി. വിവിധ സ്ഥലങ്ങളില്‍ നിന്ന് ലഭിച്ച സി.സി.ടി.വി ദൃശ്യങ്ങളുടെ അടിസ്ഥാനത്തിലാണ് പൊലീസ് ഇക്കാര്യം സ്ഥിരീകരിച്ചത്. പ്രതികളെ കണ്ടെത്താനായുള്ള പൊലീസ് അന്വേഷണം തുടരുകയാണ്.