ശബരിമല നടവരുമാനത്തില്‍ 59 കോടിയോളം രൂപയുടെ കുറവ്. തീര്‍ത്ഥാടനം തുടങ്ങി 39 ദിവസത്തെ കണക്ക് ദേവസ്വം പ്രസിഡന്റ് എം.പത്മകുമാര്‍ മാധ്യമങ്ങളോട് പറഞ്ഞപ്പോഴാണ് വരുമാനത്തിലെ വലിയ അന്തരം പുറത്തായത്. രാഷ്ട്രീയ ഭീതിപ്പെടുത്തലാണ് വരുമാനം കുറയാന്‍ കാരണമെന്നും അത് ബോര്‍ഡ് ചര്‍ച്ച ചെയ്യുമെന്നും അദ്ദേഹം പറഞ്ഞു. കഴിഞ്ഞതവണ തീര്‍ത്ഥാനടനത്തിന്റെ 39ാം ദിവസം വരെ 164 കോടി രൂപയാണ് ലഭിച്ചത്. ഇത്തവണ അത് 105 കോടി 91 ലക്ഷമാണ്.

തീര്‍ത്ഥാടനം അവസാനിക്കുമ്പോള്‍ കഴിഞ്ഞ വര്‍ഷത്തെ വരുമാനം മറികടക്കാനാവുമെന്നും അദ്ദേഹം ആത്മവിശ്വാസം പ്രകടിപ്പിച്ചു. 39ാം ദിവസമായ ഇന്നലെ മാത്രം രണ്ട് കോടി രൂപയാണ് ലഭിച്ചത്. ഇത് കഴിഞ്ഞ വര്‍ഷത്തേക്കാള്‍ കൂടുതലാണ്. അതേസമയം കഴിഞ്ഞ വര്‍ഷം താര്‍ത്ഥാടകരുടെ എണ്ണം പെരുപ്പിച്ച് കാട്ടിയെന്നും അദ്ദേഹം ചൂണ്ടിക്കാട്ടി. കഴിഞ്ഞ വര്‍ഷം 68 ലക്ഷം തീര്‍ത്ഥാടകരാണ് എത്തിയത്. ഈ വര്‍ഷം ഇതുവരെ 32 ലക്ഷം തീര്‍ത്ഥാടകരാണ് എത്തിയതെന്നും പ്രസിഡന്റ് പറഞ്ഞു. 

ഇന്നലെ വരെ അപ്പം വില്‍പ്പനയില്‍ 38, 81,3180 കോടി രൂപയും കഴിഞ്ഞ വര്‍ഷം 12,19,21870 കോടി രൂപയും അരവണ വില്‍പ്പനയില്‍ കഴിഞ്ഞ തവണ 70,68,73950 കോടി രൂപയും ഇത്തവണ 40,99,07600 കോടി രൂപയും ലഭിച്ചു. 29 കോടിയോളം രൂപയുടെ അരണവ വില്‍പ്പന കുറയാനുള്ള കാരണവും പ്രസിഡന്റ് വ്യക്തമാക്കി. ആഗസ്റ്റ് മാസം ഉണ്ടാക്കിയ അരണവ മോശമാണെന്ന പ്രചരണമാണ് ആദ്യം നടന്നത്. അന്ന് ശബരിമലയില്‍ മേല്‍ശാന്തിമാര്‍ മാത്രമാണ് ഉണ്ടായിരുന്നത്. അരവണ നിര്‍മാണം ഉണ്ടായിരുന്നില്ല. അരവണയുടെ പേന്റന്റ് കൈക്കലാക്കാന്‍ നടക്കുന്ന സിംഗപ്പൂര്‍ കമ്പനിയെ സഹായിക്കാനാണിത്. അവരുമായി ചേര്‍ന്ന് ചിലര്‍ നടത്തുന്ന നീക്കമാണോ ഇതെന്ന് സംശയിക്കുന്നതായും അദ്ദേഹം പറഞ്ഞു. 

ഇപ്പോള്‍ വില്‍ക്കുന്നത് 8-12-17ലെ അരണവയാണെന്ന പ്രചരണം നടക്കുന്നുണ്ട്. അതിനെതിരെ നിയമനടപടി സ്വീകരിക്കുമെന്നും പ്രസിഡന്റ് വ്യക്തമാക്കി. കാണിക്ക ഇനത്തില്‍ ഈവര്‍ഷം ഇതുവരെ 42,33,750166 കോടി രൂപ ലഭിച്ചു കഴിഞ്ഞ വര്‍ഷമിത് 59, 69,10663 രൂപയായിരുന്നു. ഏതാണ്ട് 16 കോടിയോളം രൂപയുടെ കുറവാണുണ്ടായത്. ഈ വര്‍ഷം ഒരു ദിവസത്തെ വരുമാനത്തില്‍ 14 ലക്ഷം രൂപയുടെ വര്‍ദ്ധനവുണ്ടായി. ദര്‍ശനം സുഗമമായാണ് നടന്നത്. ഒരാളുടേയും രാഷ്ട്രീയക്കളിക്ക് അയ്യപ്പന്‍ കൂട്ട് നില്‍ക്കില്ലെന്ന് തളിയിക്കുന്നതാണ് ചിലരുടെ റേറ്റിംഗ് തിരമാല പോലെ പെട്ടെന്ന് ഉയര്‍ന്നിട്ട് അത് പോലെ തന്നെ താഴ്ന്നതെന്ന് ജനം ടി.വിയെ പരോക്ഷമായി പരിഹസിച്ച് എ.പത്മകുമാര്‍ പറഞ്ഞു.