ഫേസ്ബുക്കിലൂടെ പരിചയപ്പെട്ട് ലൈംഗികതയ്ക്ക് ഇരയാക്കിയ ശേഷം ദൃശ്യങ്ങള്‍ കാട്ടി അറുപതുകാരനില്‍ നിന്നും പണംതട്ടാന്‍ ശ്രമിച്ച ബ്യൂട്ടീഷ്യന്റെ സഹായികള്‍ അറസ്റ്റില്‍. ആലുവ ചൂണ്ടി സ്വദേശിയെയാണ് തൃശൂര്‍ മുണ്ടൂര്‍ സ്വദേശി പൊമേറോ ഭീഷണിപ്പെടുത്തി പണം തട്ടിയത്. ഇയാളെ തന്ത്രപരമായി പോലീസ് അറസ്റ്റ് ചെയ്യുകയായിരുന്നു. തൃശൂര്‍ സ്വദേശിനിയായ ബ്യൂട്ടീഷ്യനുമായി ബന്ധപ്പെടുത്തിയായിരുന്നു ഭീഷണി. നഗ്‌നചിത്രങ്ങള്‍ കയ്യിലുണ്ടെന്നും അവ പരസ്യപ്പെടുത്തുമെന്ന് കാണിച്ച്‌ പലതവണ ചൂണ്ടി സ്വദേശിയായ അറുപത്തിരണ്ട്കാരനില്‍ നിന്ന് പണംതട്ടിയിരുന്നു. നാണക്കേടോര്‍ത്ത് സംഭവം പുറത്തുപറയാതിരുന്ന ഇയാളോട് കഴിഞ്ഞദിവസം രണ്ട് ലക്ഷം രൂപയാണ് പൊമേറോയും സംഘവും ആവശ്യപ്പെട്ടത്. മറ്റ് മാര്‍ഗമില്ലാതെ ഇയാള്‍ പൊലീസില്‍ പരാതി നല്‍കി. പൊലീസ് നിര്‍ദേശം പണം നല്‍കാമെന്ന് പറഞ്ഞ് ഇയാള്‍ പൊമേറോയെ വിളിച്ചുവരുത്തുകയായിരുന്നു . കാത്തു നിന്ന പൊലീസ് ഇയാളെ അറസ്റ്റ് ചെയ്തു ഒപ്പമുണ്ടായിരുന്നവര്‍ രക്ഷപ്പെട്ടു . ഇവര്‍ വന്ന വാഹനവും പിടിച്ചെടുത്തിട്ടുണ്ട്. കോടതിയില്‍ ഹാജരാക്കിയ പൊമേറോയെ റിമാന്‍ഡ് ചെയ്തു.

ഫേസ്ബുക്ക് വഴി പരിചയപ്പെടുകയും പിന്നീട് ഇയാളുമായി സൗഹൃദം ഉണ്ടാക്കിയ റിയ ഫോണിലൂടെ നിരന്തരം ബന്ധം പുലര്‍ത്തി. താന്‍ ഭര്‍ത്താവുമായി വേര്‍പിരിഞ്ഞു താമസിക്കുകയാണെന്നായിരുന്നു 67 കാരനായ കാമുകനെ റിയ വിശ്വസിപ്പിച്ചിരുന്നത്. പിന്നീട് നെടുമ്ബാശ്ശേരിയിലെ അപ്പാര്‍ട്ട്‌മെന്റിലേക്ക വിളിച്ചു വരുത്തുകയും അവിടെ വെച്ച്‌ ശാരീരിക ബന്ധത്തില്‍ ഏര്‍പ്പെടുകയും രഹസ്യമായി ദൃശ്യം ക്യാമറയില്‍ പകര്‍ത്തുകയും ചെയ്തു.

പിന്നീട് ദൃശ്യങ്ങള്‍ കാട്ടി അത് സോഷ്യല്‍മീഡിയ വഴി പുറത്തു വിടുമെന്ന് ഭീഷണി മുഴക്കി. ആദ്യം 5000 രൂപയാണ് തട്ടിയത്. അതിന് ശേഷം 12,000 രൂപ കൂടി വാങ്ങി. പിന്നെയും പണം ചോദിച്ച്‌ ശല്യപ്പെടുത്തുകയും രണ്ടു ലക്ഷം കൂടി ആവശ്യപ്പെടുകയും ചെയ്തതോടെ ഇയാള്‍ പോലീസിനെ വിവരം അറിയിക്കുകയായിരുന്നു. പോലീസ് നിര്‍ദേശിച്ചത് അനുസിരിച്ച്‌ പണം നല്‍കാമെന്ന് വിളിച്ചു പറഞ്ഞ പ്രവാസി ആലുവയിലേക്ക് വിളിച്ചുവരുത്തി. എന്നാല്‍ പണം വാങ്ങാന്‍ യുവതി അയച്ചത് തന്റെ സഹായികളെയായിരുന്നു. ആലുവ സീനത്ത് ജംഗ്ഷനില്‍ എത്തിയ സംഘാംഗം പൊമേറോ പോലീസിന്റെ വലയില്‍ അകപ്പെടുകയായിരുന്നു.

സംഭവത്തില്‍ റിയയെ പിടികൂടാന്‍ കഴിഞ്ഞിട്ടില്ല. ഇവര്‍ ഒളിവിലാണ്. ഝാര്‍ഖണ്ഡില്‍ ഭര്‍ത്താവിനൊപ്പമാണ് ഇവരെന്നാണ് പുറത്തുവരുന്ന വിവരം. അറസ്റ്റിലായ പൊമേറോ സ്ഥലത്തെ പലിശക്കാരനാണെന്ന് വിവരമുണ്ട്. ബ്യൂട്ടി പാര്‍ലര്‍ തുടങ്ങുന്നതിനായി ഇയാളില്‍ നിന്നും റിയ നേരത്തേ രണ്ടരലക്ഷം കടം വാങ്ങിയിരുന്നു. ഈ പണം കൊടുക്കാന്‍ വേണ്ടിയാണ് പ്രവാസിയെ റിയ കുടുക്കിയത്. ഇയാളില്‍ നിന്നും പണം വാങ്ങിയെടുത്തുകൊള്ളാനാണ് റിയ നിര്‍ദേശിച്ചിരുന്നത്. എന്നാല്‍ പണം വാങ്ങാനെത്തിയ പൊമേറോ പിടിയിലാകുകയായിരുന്നു.

സിനിമാമേഖലയുമായി നല്ല ബന്ധമുള്ളയാളാണ് പൊമേറോ. സിനിമയിലെ അനേകം ആള്‍ക്കാര്‍ക്കൊപ്പമുള്ള സെല്‍ഫി ഇയാളുടെ ഫോണില്‍ നിന്നും കണ്ടെത്തി. റിയയ്ക്കും പൊമേറോയ്ക്കും ഏതെങ്കിലും സെക്‌സ് റാക്കറ്റുമായി ബന്ധമുണ്ടോ എന്ന അന്വേഷണത്തിലാണ് പോലീസ്. തട്ടിപ്പിന് പിന്നില്‍ ബ്യൂട്ടീഷ്യനും പങ്കുണ്ടെന്ന പരാതിയില്‍ പൊലീസ് അന്വേഷണം ആരംഭിച്ചു.