ശബരിമല ആചാര ലംഘനം നടത്താൻ തമിഴ്നാട്ടിൽ നിന്നുള്ള മനിതി സംഘം വീണ്ടുമെത്തിയാൽ അറസ്റ്റുചെയ്യാൻ എൻ.ഐ.എയുടെ നീക്കം. മനിതി സംഘാംഗങ്ങൾക്ക് അർബൻ മാവോയിസ്റ്റുകളുമായി ബന്ധമുണ്ടെന്ന കണ്ടെത്തലിനെ തുടർന്ന് എൻ.ഐ.എ അന്വേഷണം ഊർജ്ജിതമാക്കി. ശബരിമലയിലെ കേസ് എൻ.ഐ.എ ഏറ്റെടുത്തിരിക്കുകയാണ്.

ഞായറാഴ്ച പമ്പയിലെത്തിയ 11അംഗ മനിതി സംഘം അർബൻ മാവോയിസ്റ്റുകൾ മുഴക്കുന്ന തരത്തിലുള്ള മുദ്രാവാക്യം വിളിച്ചിരുന്നു. ഇത് സ്ഥലത്തുണ്ടായിരുന്ന കേന്ദ്ര ഇന്റലിജൻസ് സംഘത്തിന്റെ ശ്രദ്ധയിൽപ്പെട്ടതോടെയാണ് ഇവർക്കെതിരെ അന്വേഷണം ഊര്ജിതമാക്കിയത്. സംഭവത്തെ തുടർന്ന് എൻ.ഐ.എ തമിഴ്നാട് ഘടകം കേസ് ഏറ്റെടുത്തതോടെ ഇവർക്കെതിരെ ഞെട്ടിക്കുന്ന വിവരങ്ങൾ ലഭിച്ചതെന്നാണ് സൂചന.

കേരളാ പൊലീസ് സുരക്ഷ ഒരുക്കിയാല്‍ വീണ്ടും ശബരിമല കയറാന്‍ തയ്യാറെന്ന് മനിതി സംഘം നേതാവ് ശെൽവി വ്യക്തമാക്കിയിരുന്നു. കഴിഞ്ഞ ദിവസം ശബരിമല ദര്‍ശനത്തിനെത്തിയ മനിതി സംഘത്തെ ശബരിമല കര്‍മ്മ സമിതിയുടെ നേതൃത്വത്തിലുള്ള പ്രതിഷേധക്കാര്‍ ശബരിമല ദര്‍ശനത്തിന് അനുവദിച്ചിരുന്നില്ല. പല സംഘങ്ങളായി കോട്ടയത്തെത്തി ശബരിമലയിലേക്ക് ഒരുമിച്ച് പോകുമെന്നാണ് ഇവര്‍ ആദ്യം പറ‍ഞ്ഞിരുന്നതെങ്കിലും പിന്നീട് പൊലീസ് ഇടപെടലിനെ തുടര്‍ന്ന് പല സംഘങ്ങളായി ഇവര്‍ പിരിയുകയായിരുന്നു.

തിരുപ്പൂരിൽ ഹിന്ദുമുന്നണി നേതാവിനെ കഴുത്തറുത്ത് കൊന്ന കേസിലും ഹാദിയാ കേസിലും മാവോയിസ്റ്റ് സംഘത്തിനുള്ള ബന്ധം എൻ.ഐ.എ അന്വേഷിച്ച് വരികയാണ്.