സത്യം പറഞ്ഞാല് സംഘി ആകുമെങ്കില് ഞാന് സംഘി തന്നെ ! ; ഫോണ് ചോര്ത്തല് വിവാദത്തിൽ പുകയുന്ന സി പി എമ്മിനെ മലത്തിയടിച്ച് സെൻകുമാറിന്റെ പൂഴിക്കടകൻ വിദ്യ
സത്യം പറഞ്ഞാല് സംഘി ആകുമെങ്കില് ഞാന് സംഘി തന്നെയെന്ന് മുന് ഡി.ജി.പി ടി.പി സെൻകുമാർ. പല രാഷ്ട്രീയ പാർട്ടികളുടെയും പരിപാടിയിൽ നേരത്തെ പങ്കെടുത്തിട്ടുണ്ട്. അന്ന് കാണാത്ത അയിത്തം ഇന്ന് ഉണ്ടെങ്കിൽ അത് മാറ്റാനാണ് വന്നതെന്നും സെന്കുമാര് പറഞ്ഞു. ഇത് നെഞ്ചുറപ്പിന്റെ ശബ്ദം. ഫോൺ വിവാദത്തിൽ സി പി എമ്മിനെ പുകക്കുന്നതിനിടയിൽ അടുത്ത പൂഴിക്കടകൻ.
ഫോണ് ചോര്ത്തല് ഉള്പ്പെടെ തനിക്കെതിരെ പല വ്യാജ ആരോപണങ്ങളും ഉയരുന്നുണ്ട്. താന് ഡിജിപി ആയിരുന്ന കാലത്തല്ല ഫോണ് ചോര്ത്തല് നടന്നത്. ഫോണ് ചോര്ത്തല് വിവാദം ഉണ്ടായപ്പോള് കോടിയേരി ബാലകൃഷ്ണന് ആയിരുന്നു ആഭ്യന്തരമന്ത്രിയെന്നും സെന്കുമാര് പറഞ്ഞു. അന്ന് ജേക്കബ് പുന്നൂസായിരുന്നു പോലീസ് മേധാവി. ഈ ഞെട്ടിക്കുന്ന വെളിപ്പെടുത്തൽ പല ഉന്നതരുടെയും ഉറക്കം കെടുത്തും.
സേവാഭാരതിയുടെ പരിപാടിയില് പങ്കെടുത്തത് വലിയ കുറ്റമായി ചിത്രീകരിക്കുന്നു. നിഷ്ക്കാമ കര്മ്മം ചെയ്യുന്ന നല്ല മനുഷ്യരുടെ കൂട്ടായ്മയാണത്. പ്രളയകാലത്ത് അവരുടെ അതുല്യ സേവന പ്രവര്ത്തനം കേരളം കണ്ടതാണ്. ആരെന്തു പറഞ്ഞാലും സേവാഭാരതിയുടെ പരിപാടിക്ക് ഇനിയും വിളിച്ചാല് പോകും. താന് ആര്എസ്എസില് ചേര്ന്നു എന്നു പ്രചരിപ്പിക്കുന്നു. തനിക്ക് രണ്ട് സംഘടനകളില് മാത്രമാണ് അംഗത്വമുള്ളത്. വീടിനടുത്തുള്ള റസിഡന്റ്സ് അസോസിയേഷനിലും എസ്എന്ഡിപി ശാഖയിലും. ബിജെപിയിലോ ബിഡിജെഎസിലോ അംഗത്വം എടുക്കുന്നതിനെക്കുറിച്ച ആലോചിച്ചിട്ടില്ല. രാഷ്ട്രീയ പാര്ട്ടികളുടെ അച്ചടക്കത്തിനുള്ളില് നില്ക്കാനാകുമോ എന്ന സംശയമുണ്ട്.
നരേന്ദ്രമോദി സര്ക്കാറിന്റെ ഭരണ തുടര്ച്ചക്കാനായി പ്രവര്ത്തിക്കുന്നവര്ക്കൊപ്പം ഉണ്ടാകും. ഇന്ത്യ ഒന്നായി നില നില്ക്കണമെങ്കില് മോദി വീണ്ടു ഭരണത്തില് വരണം. അടിസ്ഥാനപരമായ വികസനത്തിന്റെ തുടര്ച്ചക്ക് അത് അത്യാവശ്യമാണ്. 2019ല് മാത്രം അല്ല, 2024 ലും മോദി തന്നെ പ്രധാനമന്ത്രി ആകണം. 10 വര്ഷം കൂടി മോദി ഭരണം തുടര്ന്നാല് ഇന്ത്യയില് ദാരിദ്രം ഉണ്ടാകില്ല.
താന് ഉറച്ച സനാധന ധര്മ്മ വിശ്വാസിയാണ്. അതിനാല് വിശ്വാസികള്ക്കൊപ്പം എന്നും ഉണ്ടാകും - സെന്കുമാര് പറഞ്ഞു. തികച്ചും മോദി ഭക്തനായി മാറിയ സെൻകുമാർ ഇപ്പോൾ പൂർണമായും ബി ജെ പി അണികളുടെ ആവേശമാണ്. നേതൃത്വം പതറിയിടത്താണ് സെൻകുമാർ തകർക്കുന്നത് എന്നതാണ് ശ്രദ്ധേയം.
https://www.facebook.com/Malayalivartha
