വനിതാ മതിലിനെതിരെ ആഞ്ഞടിച്ച് പി.സി. ജോര്ജ്; വിവിധ സംഘടനകളുടെ പിന്തുണയോടെ സര്ക്കാര് ഒരുക്കുന്ന വനിതാ മതില് പൊളിയുമെന്ന് പി.സി.ജോര്ജ്; വെള്ളാപ്പള്ളിയുടേത് പ്രായാധിക്യത്താല് പറയുന്ന മണ്ടത്തരങ്ങള്
വനിതാ മതില് കെട്ടിപ്പൊക്കാന് മണിക്കൂറുകള് ശേഷിക്കേ മതിലിനെ പൊളിച്ചടുക്കി പിസി ജോര്ജ് എം.എല്.എ. വിവിധ സംഘടനകളുടെ പിന്തുണയോടെ സര്ക്കാര് ഒരുക്കുന്ന വനിതാ മതില് പൊളിയുമെന്നാണ് പി.സി.ജോര്ജ് പറയുന്നത്. കേരളത്തിലെ ഇടതുപക്ഷത്തിന്റെ അവസാന മുഖ്യമന്ത്രിയായാണ് പിണറായി അറിയപ്പെടുകയെന്നും പി.സി. ജോര്ജ് വ്യക്തമാക്കി. ശബരിമലയില് സ്ത്രീകളെ കയറ്റുന്ന മുഖ്യമന്ത്രിയായല്ലെന്നും പി.സി പരിഹസിച്ചു. . ആലുവയില് ഭക്ത ജനസമിതി സംഘടിപ്പിച്ച ചടങ്ങില് പങ്കെടുക്കാന് എത്തിയപ്പോഴാണ് വനിതാ മതിലിനെതിരെ പ്രതികരണം നടത്തിയത്.
മതിലില് മാറി മാറി നിലപാടുകള് എടുക്കുന്ന എസ്എന്ഡിപി ജനറല് സെക്രട്ടറി വെള്ളാപ്പള്ളിയേയും പി.സി. അതിരൂക്ഷമായി വിമര്ശിച്ചു. വെള്ളാപ്പള്ളിയുടേത് പ്രായാധിക്യത്താല് പറയുന്ന മണ്ടത്തരങ്ങളാണെന്ന് പി സി കളിയാക്കി.
ഒരിക്കല് പിണറായി വിജയനെ വാനോളം ഉയര്ത്തിയ പിസി ജോര്ജാണ് ഇപ്പോള് തിരിച്ചു കുത്തുന്നത്. കേരള കോണ്ഗ്രസ് എമ്മില് നിന്നും പുറത്തിറങ്ങിയ പിസി ജോര്ജ് ഇടതുമുന്നണിയില് കയറിപ്പറ്റാന് പല അടവുകള് നടത്തിയിട്ടും നടന്നില്ല. അവസാനം ജനപക്ഷ മുന്നണിയുണ്ടാക്കി തെരഞ്ഞെടുപ്പില് മത്സരിച്ചു. ഇടതുമുന്നണിയേയും വലതു മുന്നണിയേയും വെട്ടിച്ച് എംഎല്എ ആയി. ഇതോടെ പിസി വീണ്ടും താരമായി.
ആരോടും തന്റെ നിലപാടുകള് വെട്ടിത്തുറന്ന് പറയുന്ന ആളാണ് പിസി ജോര്ജ്. ദിലീപ് വിഷയം വന്നപ്പോള് ലോകം മൊത്തം എതിപ്പ് വന്നിട്ടും പിസി ദിലീപിനൊപ്പം നിന്നത് നമ്മള് കണ്ടതാണ്.
ശബരിമല വിഷയത്തില് സുപ്രീം കോടതി വിധി വന്നപ്പോള് പിസി ഭക്തര്ക്കൊപ്പം നിന്ന് കയ്യടി നേടി. എരുമേലി വഴി ഒരു യുവതിയേയും കടത്തി വിടില്ലെന്ന പ്രഖ്യാപനമാണ് പിസി നടത്തിയത്. ഇത് വിശ്വാസികള്ക്ക് വലിയ ആത്മ വിശ്വാസമാണ് നല്കിയത്. ഇതോടെ ഹിന്ദുക്കളുടെ വന് പിന്തുണ പിസി ജോര്ജിന് കിട്ടി. ഇത് വോട്ടാക്കി മാറ്റാനുള്ള തന്ത്രവും പിസി നോക്കി.
ബിജെപിയുമായി പിസിയ്ക്ക് എന്നും മാനസികമായ അടുപ്പമുണ്ട്. വര്ഷങ്ങള്ക്ക് മുമ്പ് മോഡിയുടെ ടീ ഷര്ട്ടും പിടിച്ച് പിസി നിന്നത് ഏറെ ശ്രദ്ധേയമായി. അത് കഴിഞ്ഞ് ശബരിമല വിഷയം വന്നപ്പോള് വീണ്ടും ബിജെപിയോട് അടുപ്പമായി. മാത്രമല്ല നിയമസഭയില് ബിജെപിയോടൊപ്പവുമായി. രാജഗോപാലിനോടൊപ്പം പിസി ജോര്ജ് ഇതുന്നത് ഏറെ ചര്ച്ചയായി. ഇതിന് പിന്നാലെ സോണിയ ഗാന്ധിയെ കാണാന് പിസി ഡല്ഹിയില് പോയെങ്കിലും കാണാന് കഴിയാതെ മടങ്ങിയതെ ഏറെ നിരാശയുണ്ടാക്കി. കാര്യങ്ങള് ഇങ്ങനെ പുരോഗമിക്കുമ്പോഴാണ് പിസി വീണ്ടും ഭക്തര്ക്കൊപ്പം രംഗത്തെത്തിയിരിക്കുന്നത്.
https://www.facebook.com/Malayalivartha
