ശബരിമല മാത്രമല്ല ഈ ഭൂമിയിലെ സര്വ്വവിധ കൊടുമുടികളും സ്ത്രീകള് കീഴടക്കണം, പെണ്മതിലിലോ ആണ്മതിലിലോ വിശ്വാസവുമില്ല, താല്പര്യവുമില്ല
31 DECEMBER 2018 07:20 PM IST
മലയാളി വാര്ത്ത
സ്വാമി അയ്യപ്പക്ഷേത്രത്തിന്റെ ഇന്നത്തെ ചുറ്റുപാടില് കവി അയ്യപ്പന്റെ വാക്കുകള് പ്രസക്തമാണ് എന്നെനിക്ക് തോന്നുന്നു....
' നിഷേധിയ്ക്കേണ്ടതോ അംഗീകരിക്കേണ്ടതോ ആയ ഒരു ശക്തി എന്ന നിലയില് ദൈവം എനിക്ക് ഒരു പ്രശ്നമല്ല' എന്ന് കവി അയ്യപ്പന് പറഞ്ഞിട്ടുണ്ട്.
പ്രളയബാധിതര് ജീവിത ദുരിതങ്ങളില് സ്വയം മോചിതരാകാന് രാപ്പകലില്ലാതെ കഷ്ടപ്പെടുന്ന കാഴ്ച ആലപ്പുഴയിലും ഇടുക്കിയിലും വയനാട്ടിലും വടക്കന് പറവൂരുമൊക്കെ ഞാന് കണ്ടു... പലരുടേയും കഥകള് കേട്ടു... കണ്ണുകളെ ഇറനണിയിക്കുന്ന സാഹചര്യം ആളുകള് അടക്കിപ്പിടിക്കുന്നു. എന്നിട്ടും അവര്, അവരവരുടേതായ നിലയ്ക്ക് ജീവിതം ഏറക്കുറെ പുനര്നിര്മ്മിച്ചു കഴിഞ്ഞു. അധര്മത്തിനും അനീതിക്കും അസത്യങ്ങള്ക്കുമെതിരെ നിലകൊള്ളുന്ന മനുഷ്യമതില് വന്നാലും മതില് എന്ന സങ്കല്പത്തോട് തിരേ യോജിക്കാന് ആവുന്നില്ല. പ്രതികരണങ്ങള്ക്ക് പലമുഖങ്ങളാകാം. എന്നാല് യാഥാസ്ഥിതികരുടെ, പ്രമാണികളുടെ ശുഷ്കമായ നിലപാടുകളോടും യോജിപ്പില്ല.
സാഹിത്യം എന്നത് എല്ലാവിധത്തിലുമുള്ള മതില്കെട്ടുകളെ, വേലിക്കെട്ടുകളെ ഇല്ലാതാക്കാനുള്ള ശ്രമത്തില് നിന്ന് ഉത്ഭവിക്കുന്നതാണ്. എന്റെ ലക്ഷ്യവും അത് തന്നെ... പെണ്മതിലിലോ ആണ്മതിലിലോ വിശ്വാസവുമില്ല, താല്പര്യവുമില്ല. മതിലുകള് എന്നാല് എനിക്ക് ബഷീറിന്റെ പ്രശസ്തമായ കൃതിക്ക് അപ്പുറം ഒന്നുമല്ല എന്നര്ത്ഥം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
