സിസ്റ്റര് ലൂസി കളപ്പുറ വീണ്ടും റോക്ക്സ്, ചുരിദാറണിഞ്ഞ് വനിതാ മതിലിന് പിന്തുണയുമായി എഫ്.ബി പോസ്റ്റ്, വിദേശസന്യാസിനികള് ഭാരതത്തില് വന്ന് കാലാവസ്ഥക്ക് അനുയോജ്യമായ സാരി ,ചുരിദാര് ഒക്കെ ധരിച്ച് സന്യാസം തുടരുന്നു, എന്നാല് കേരളക ന്യാസ്ത്രീകള് വിദേശവസ്ത്രവും ഇട്ട് നടക്കുന്നു
കത്തോലിക്കാ സഭയിലെ പുരോഹിതര്ക്ക് തിരുവസ്ത്രമില്ലാതെ എവിടെയും സഞ്ചരിക്കാമെങ്കില് കന്യാസ്ത്രീകള്ക്കും ആകാമെന്ന് സിസ്റ്റര് ലൂസി കളപ്പുര. വനിതാമതിലിനെ പിന്തുണച്ചുകൊണ്ടുള്ള ഫേസ്ബുക്ക് പോസ്റ്റിലാണ് ചുരിദാര് വേഷമണിഞ്ഞു കൊണ്ടുള്ള ചിത്രം സിസ്റ്റര് ലൂസി പോസ്റ്റ് ചെയ്തിരിക്കുന്നത്. ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യണമെന്ന് ആവശ്യപ്പെട്ട് കന്യാസ്ത്രീകള് എറണാകുളം വഞ്ചി സ്ക്വയറില് നടത്തിയ സമരത്തില് പിന്തുണയുമായി സിസ്റ്റര് ലൂസി എത്തിയിരുന്നു. ഇവരെ സഭയില് നിന്നും വിലക്കിയതിന് എതിരെ ചില വിശ്വാസികള് തന്നെ രംഗത്ത് വരികയും പ്രതികാര നടപടി പിന്വലിപ്പിക്കുകയുമായിരുന്നു.
സൗകര്യത്തിനായി സാധാരണ ഭാരതവേഷം ധരിച്ചിരിക്കുന്നു. ഇതുകണ്ട് പുരോഹിതന്മാര് ആരും നെറ്റിചുളിക്കുകയോ ചങ്കിടിക്കുകയോ സുപ്പീരിയറിന്റെ അടുത്തേക്ക് ഓടുകയും വേണ്ട.അച്ചായന്മാരും !!!!അള്ത്താരയില് കുര്ബാന അര്പ്പിച്ച ശേഷം എന്തു വേഷവും സമയത്തും അസമയത്തും വൈദീകര്ക്കാകാം.എന്നാല് അള്ത്താരയില് പൂക്കള് വക്കുകയും അടിച്ചുവാരുകയും തുണിയലക്കുകയും ചെയ്യുന്ന കന്യാസ്ത്രീകള്ക്ക് എല്ലാം നിഷിദ്ധം...!! വിദേശസന്യാസിനികള് ഭാരതത്തില് വന്ന് കാലാവസ്ഥക്ക് അനുയോജ്യമായ സാരി കളര്,ഒറ്റകളര്,ചുരിദാര് ഒക്കെ ധരിച്ച് സന്യാസം തുടരുന്നു.എന്നാല് കേരളകന്യാസ്ത്രീകള് വിദേശവസ്ത്രവും ഇട്ട് നടക്കുന്നു.
രാഷ്ട്രീയ മത വര്ഗ്ഗ വ്യത്യാസങ്ങള്ക്ക് അതീതമായി സ്ത്രീ ശാക്തീകരണം മാത്രമാണ് ലക്ഷ്യമെങ്കില് എല്ലാവിധ ആശംസകളുമെന്നാണ് വനിതാമതിലിനെ പിന്തുണച്ചുകൊണ്ട് സിസ്റ്റര് ലൂസി പറയുന്നത്. യാത്രയില് ആയതിനാല് സാധാരണ ഭാരതവേഷമാണ് ധരിച്ചിരിക്കുന്നതെന്നും ഇത് കണ്ട് ആരുടെയും ചങ്കിടിക്കുകയോ സുപ്പീരിയറുടെ അടുത്തേക്ക് ഓടുകയോ വേണ്ടെന്നും സിസ്റ്റര് പറയുന്നുണ്ട്. പുതുവര്ഷ ആശംസകള് എല്ലാവര്ക്കും നേര്ന്ന സിസ്റ്റര് കൂടുതല് സംസാരിക്കാനുണ്ടെന്നും പിന്നീട് ആകാമെന്നും പറഞ്ഞാണ് പോസ്റ്റ് അവസാനിപ്പിക്കുന്നത്.
https://www.facebook.com/Malayalivartha
