യുവതികള് കയറിയിട്ടുണ്ടെങ്കില് ആചാരപരമായ കാര്യങ്ങള് ചെയ്യും.. ക്രിയനടത്താന് വേണ്ടി നടയടക്കും; ആചാര ലംഘനം ഉണ്ടായതോടെ രണ്ടും കൽപ്പിച്ച് പന്തളം കൊട്ടാരം
ചരിത്രം തിരുത്തി യുവതികള് മലചവിട്ടിയതോടെ നടയടച്ച് ശുദ്ധി ക്രിയ ചെയ്യുമെന്ന് പന്തളം കൊട്ടാരം പ്രതിനിധി ശശികുമാര വര്മ്മ. സന്നിധാനത്ത് ദര്ശനം നടത്തിയെന്ന സ്ഥിരീകരണം കിട്ടിയാല് മാത്രമേ മേല്നടപടികള് സ്വീകരിക്കുന്നതിനെ കുറിച്ച് പറയാന് കഴിയൂ എന്നും അദ്ദേഹം പറഞ്ഞു."യുവതികള് കയറിയിട്ടുണ്ടെങ്കില് ആചാരപരമായ കാര്യങ്ങള് ചെയ്യും. ക്രിയനടത്താന് വേണ്ടി നടയടക്കും. ഇക്കാര്യം തന്ത്രിയുമായി സംസാരിച്ചപ്പോള് അദ്ദേഹം അറിയിച്ചിട്ടുണ്ടെന്നും ശശികുമാര വർമ്മ പറഞ്ഞു. ദർശനത്തെ പറ്റി അറിയില്ലെന്നാണ് ദേവസ്വം ബോർഡ് അറിയിച്ചതെന്നും സ്ഥിരീകരണം ഉണ്ടായാൽ മാത്രമേ ആചാരപരമായ നടപടികൾ സ്വീകരിക്കൂ എന്നും ശശികുമാര വർമ്മ പറഞ്ഞു.
അതേസമയം വാര്ത്തകളില് നിന്നാണ് ഈ വിവരം അറിഞ്ഞത്, കാര്യങ്ങളെക്കുറിച്ച് അറിയില്ല സിസിടിവി ദൃശ്യങ്ങള് പരിശോധിക്കേണ്ടതുണ്ടെന്ന് ദേവസ്വം ബോര്ഡ് പ്രസിഡന്റ് എ പത്മകുമാര് പറഞ്ഞു. ഇവര് മഫ്ടി പോലീസിന്റെ സുരക്ഷയിലായിരുന്നു ദര്ശനം നടത്തിയത്. പതിനെട്ടാം പടി ഒഴിവാക്കി, ഇരുമുടിക്കെട്ടില്ലാതെയാണ് ഇരുവരും സന്നിധാനത്തെത്തി ദര്ശനം നടത്തിയത്. ഇരുവരും മുഖം മറച്ചിരുന്നു. പുലര്ച്ചെ മൂന്ന് മണിക്കാണ് ശബരിമലയില് മടതുറക്കുന്നത്. തങ്ങള്ക്ക് ദര്ശനത്തിന് പൊലീസ് സംരക്ഷം ലഭിച്ചുവെന്ന് ഇരുവരും പറഞ്ഞു. യുവതികള് മലകയറിയത് പൊലീസ് സ്ഥിതീകരിച്ചു.
ശബരിമലയില് ഏല്ലാപ്രായത്തിലുമുള്ള സ്ത്രീകള്ക്കും ദര്ശനം നടത്താമെന്ന സുപ്രീംകോടതി വിധിയുടെ അടിസ്ഥാനത്തില് ബിന്ദുവും കനകദുര്ഗയും ശബരിമല ദര്ശനം നടത്തിയത്. ഇന്ന് പുലര്ച്ചെ 3.45 നോടുകൂടിയാണ് ഇരുവരും ശബരിമല ദര്ശനം നടത്തിയത്.
https://www.facebook.com/Malayalivartha
