ശബരിമലയില്‍ യുവതികള്‍ ദര്‍ശനം നടത്തിയതിന് പിന്നാലെ മുഖ്യമന്ത്രിക്ക് നേരെ അധിക്ഷേപം നടത്തി ബി.ജെ.പി നേതാവ് രംഗത്ത് . പിണറായി വിജയന്‍ തെങ്ങുകയറാന്‍ പോകുന്നതാണ് നല്ലതെന്ന് ബി .ജെ.പി സംസ്ഥാന വൈസ് പ്രസിഡന്റ് എന്‍.ശിവരാജന്‍ പറഞ്ഞു.

ശബരിമലയെ തകര്‍ക്കാന്‍ ശ്രമിക്കുന്ന 'കൊലയാളി വിജയന്' ശക്തമായ തിരിച്ചടി കിട്ടും. അഞ്ചക്കോടി അയ്യപ്പഭക്തരെ പിണറായി വിജയന്‍ ചതിച്ചു. ഇതിന്റെ പ്രത്യാഘാതങ്ങള്‍ ഗുരുതരമായിരിക്കും. ബരിമലയിലെ അവസാന വാക്ക് തന്ത്രിയാണ്. ബി.ജെ.പി സമരം സജീവമാക്കും. ആണും പെണ്ണും കെട്ട, കുടുംബത്തിന് വേണ്ടാത്ത സ്ത്രീകള്‍ എന്നിങ്ങനെ മോശം പദപ്രയോഗങ്ങളും ശിവരാജന്‍ നടത്തി

ശബരിമല വിഷയത്തില്‍ സെക്രട്ടേറിയറ്റ് പടിക്കല്‍ സമരം നടത്തുന്നത് ഇപ്പോള്‍ ശിവരാജനാണ്. സമരപ്പന്തലില്‍ വച്ചാണ് മുഖ്യമന്ത്രിയെ അധിക്ഷേപിച്ച്‌ ശിവരാജൻ രംഗത്തെത്തിയത്.