കാല്നടയായി എത്തിയ നാല് അയ്യപ്പഭക്തർ യുവതികള് ദര്ശനം നടത്തിയതില് പ്രതിഷേധിച്ച് ഇരുമുടിക്കെട്ട് ഉപേക്ഷിച്ച് യാത്ര അവസാനിപ്പിച്ചു
യുവതികള് ശബരിമലയിൽ ദര്ശനം നടത്തിയതില് പ്രതിഷേധിച്ച് നാല് തീര്ത്ഥാടകര് ഇരുമുടിക്കെട്ട് ഉപേക്ഷിച്ച് യാത്ര അവസാനിപ്പിച്ചു. കാല്നടയായി എത്തിയ അയ്യപ്പഭക്തരാണ് മടങ്ങിയത്. എരുമേലി ധര്മശാസ്താ ക്ഷേത്രത്തില് എത്തിയ ഇവര് ക്ഷേത്രത്തിനു മുമ്ബില് മാലയൂരി ഇരുമുടിയും അവിടെത്തന്നെ ഉപേക്ഷിച്ചു.
തിരുവനന്തപുരം നെയ്യാറ്റിന്കരയില് നിന്നും 200 കിലോ മീറ്റര് കാല്നടയായി എത്തിയ ബാബു, സുനില്, സുഭാഷ്, അനില്, എന്നിവരാണ് യാത്ര അവസാനിപ്പിച്ച് മടങ്ങിയത്. യുവതികള് ദര്ശനം നടത്തിയത് ശബരിമല ക്ഷേത്രത്തിന്റെ പരിപാവനതയെ ബാധിച്ചെന്ന കാരണത്താലാണ് മടക്കമെന്ന് ഇവര് പറഞ്ഞു.
ഇന്ന് പുലര്ച്ചെ മൂന്നരയോടെയാണ് കോഴിക്കോട് സ്വദേശിനി ബിന്ദുവും മലപ്പുറം സ്വദേശിനി കനകദുര്ഗയും സന്നിധാനത്തെത്തി ദര്ശനം നടത്തിയത്. പുലര്ച്ചെ പമ്ബയില് എത്തിയ ഇവര് പൊലീസിന്റെ സഹായത്തോടെ അതീവ രഹസ്യമായി ദര്ശനം നടത്തുകയായിരുന്നു.
https://www.facebook.com/Malayalivartha
