ശബരിമലയില്‍ യുവതികള്‍ പ്രവേശിച്ചതിന് പിന്നാലെ രൂക്ഷ വിമര്‍ശനവുമായി ബിജെപി നേതാവ് കെ സുരേന്ദ്രന്‍. മുഖ്യമന്ത്രിയുടേത് ഭീരുക്കള്‍ എടുക്കുന്ന നിലപാടാണെന്നും, ഇരുട്ടിന്റെ മറവില്‍ ആക്റ്റിവിസ്റ്റുകളെ ശബരിമലയില്‍ പ്രവേശിപ്പിച്ച്‌ സംതൃപ്തിയടയാന്‍ മനോരോഗമുള്ളവര്‍ക്ക് മാത്രമേ സാധിക്കുവെന്നും സുരേന്ദ്രന്‍ പ്രതികരിച്ചു.

കേരളത്തിന്റെ മുഖ്യമന്ത്രിയെ ഓര്‍ത്ത് താന്‍ ലജ്ജിക്കുന്നുവെന്നും സുരേന്ദ്രന്‍ പ്രതികരിച്ചു. സാമൂഹ്യമാധ്യമ കുറിപ്പിലൂടെയാണ് കെ സുരേന്ദ്രന്റെ പ്രതികരണം. ചരിത്രം താങ്കളെ എക്കാലത്തും അപഹസിക്കുക തന്നെ ചെയ്യുമെന്നും അദ്ദേഹം കൂട്ടിച്ചേര്‍ത്തു.