യുവതി പ്രവേശനം അനുവദിച്ച് സുപ്രീംകോടതി വിധി അറിയിച്ചതോടെ സംസ്ഥാനത്തുടനീളം നിരവധി പ്രതിഷേധങ്ങളും പ്രക്ഷോഭങ്ങളും അരങ്ങേറിയിരുന്നു. എന്നാൽ ഏറെ പ്രകമ്പനങ്ങൾ സൃഷ്ടിച്ച യുവതി പ്രവേശനം ഇന്ന് സാധ്യമായതോടെ ഭകതരുടെ യഥാർത്ഥ വികാരം എന്തെന്ന് സർക്കാരിനും വിധിയെ അനുകൂലിച്ചവർക്കും വ്യക്തമാവുകയായിരുന്നു. യുവതി പ്രവേശനം സാധ്യമായതോടെ നിരവധി പ്രമുഖർ പ്രവേശനത്തെ അനുകൂലിച്ചു പ്രതികൂലിച്ചും പ്രതികരിക്കുകയും ചെയ്തു. ഇപ്പോളിതാ ബിജെപിയുടെ സംസ്ഥാന മീഡിയ കോർഡിനേറ്റർ സന്ദീപ് ആർ വചസ്പതിയും പ്രതിനിഷേധമറിയിച്ച് രംഗത്തെത്തിയിരിക്കുകയാണ്.

ശബരിമല യുവതി പ്രവേശനം നടത്തിയതോടെ ചരിത്രത്തിലെ ഏറ്റവും വലിയ ആശയ പോരാട്ടത്തിനെയും കോടിക്കണക്കിന് വിശ്വാസികളെയുമാണ് പിണറായി വിജയൻ പിന്നിൽ നിന്ന് കുത്തിയതെന്നും ഇത് ഹിന്ദു സമൂഹത്തിന്റെയല്ല പിണറായിയുടെ തോൽവിയാണെന്നും സന്ദീപ് ആഞ്ഞടിച്ചു. മുഖ്യമന്ത്രിയെയും സർക്കാരിനെയും രൂക്ഷ ഭാഷയിൽ വിമർശിച്ചുമുള്ള തന്റെ പ്രതികരണം സന്ദീപ് ഫേസ്ബുക്കിൽ പങ്കുവയ്ക്കുകയായിരുന്നു.

സന്ദീപ് ആർ വാചസ്പതിയുടെ ഫേസ്ബുക്ക് പോസ്റ്റ്....

കേരളത്തിന്റെ സമീപകാല ചരിത്രത്തിലെ ഏറ്റവും വലിയ ആശയ പോരാട്ടത്തിനെയും കോടിക്കണക്കിന് വിശ്വാസികളെയുമാണ് പിണറായി വിജയൻ പിന്നിൽ നിന്ന് കുത്തിയത്. ഇത് ഹിന്ദു സമൂഹത്തിന്റെയല്ല പിണറായിയുടെ തോൽവിയാണ്. കേരളത്തിലെ വിശ്വാസികൾ നെഞ്ചു വിരിച്ചു നിന്നാൽ നേർക്ക് നേർ പോരാടാൻ കഴിവില്ലെന്ന് പിണറായി തെളിയിച്ചിരിക്കുകയാണ്. ഇരുളിന്റെ മറ പറ്റി, മുഖം മറച്ച്, പിൻ വാതിലിൽ കൂടിയല്ലാതെ തിരുമുറ്റത്ത് എത്താൻ കഴിഞ്ഞില്ല എന്നത് തന്നെ വിശ്വാസികളുടെ വിജയമാണ്. പാതിരായ്ക്ക് ഓടിളക്കി കക്കാൻ കയറുന്നവന് ഇതിലും അന്തസ്സുണ്ട്.

ഇനി വിശ്വാസികളോട്.....

നിരാശ തോന്നുന്നത് സ്വാഭാവികമാണ്. അതിനർത്ഥം തോറ്റു പോയെന്നോ എല്ലാം കൈവിട്ട് പോയെന്നോ അല്ല. ഇരുട്ടിന്റെ മറപറ്റിയല്ലാതെ, ആൾമാറാട്ടം നടത്തിയല്ലാതെ അവകാശവാദം ഉന്നയിക്കാൻ പോലും അവർക്ക് കഴിഞ്ഞിട്ടില്ല. പതിനെട്ടാം പടിയിലും സ്പര്ശിച്ചിട്ടില്ല. മാത്രവുമല്ല ഇത്രയും വലിയ ആൾക്കൂട്ടത്തിനിടയിൽ കൂടി വേഷം മാറി വരുന്നവരെ കണ്ടെത്താനുമാകില്ല. പക്ഷെ അപ്പോഴും ഇതിൽ നിന്ന് വലിയ പാഠം നാം പഠിക്കേണ്ടതുണ്ട്. പോരാട്ടം അവസാന വിസിലിന് ശേഷവും തുടരും. കമ്മ്യൂണിസ്റ്റുകളെ ഉറക്കത്തിൽ പോലും വിശ്വസിക്കരുതെന്ന പാഠം ഉറക്കെ ഉറക്കെ ഊട്ടി ഉറപ്പിക്കേണ്ട സമയമാണിത്.
..........
അച്ഛനെ മയക്കി കിടത്തി അമ്മയെ കൂട്ടിക്കൊടുത്താൽ സന്തോഷം കിട്ടുമെങ്കിൽ അങ്ങനെയുള്ളവർക്ക് ആഹ്ലാദിക്കുകയുമാകാം.