ശബരിമലയിൽ ദർശനത്തിനെത്തിയ മനീതി സംഘത്തിനെ സ്വകാര്യ വാഹനത്തിൽ ശബരിമലയിൽ കൊണ്ടുപോയതിനെ വിമർശിച്ച്‌ ഹൈക്കോടതി. ഇത് പോലീസിന്റെ ബോധപൂർവ്വമായ നടപടിയാണോ എന്ന് സർക്കാർ വ്യക്തമാക്കണമെന്ന് കോടതി ആവശ്യപ്പെട്ടു.

സര്‍ക്കാര്‍ ഇക്കാര്യത്തില്‍ വ്യക്തമായ നടപടി നല്‍കണം എന്ന് കോടതി വ്യക്തമാക്കി. പമ്പയിലേക്ക് സ്വകാര്യ വാഹനം പാടില്ലെന്ന് നേരത്തെ ഉത്തരവുണ്ടായിട്ടും അത് ലംഘിക്കാൻ ബോധപൂർവമായ ശ്രമമുണ്ടായിട്ടുണ്ടോ?. ഡിജിപിയാണോ സന്നിധാനത്തെ സുരക്ഷാ ചുമതലയുള്ള പോലിസാണോ ഇതിന് ഉത്തരവാദി?. ഇതില്‍ ബോധപൂര്‍വമായ ശ്രമം നടന്നിട്ടുണ്ടെങ്കിൽ കോടതിയലക്ഷ്യ നടപടി സ്വീകരിക്കേണ്ടിവരുമെന്നും കോടതി നിരീക്ഷിച്ചു. തിങ്കളാഴ്ച്ച സര്‍ക്കാരും ദേവസ്വം ബോര്‍ഡും കോടതിയില്‍ വിശദീകരണം നല്‍കണം .