ചന്ദ്രൻ ഉണ്ണിത്താന്റെ മരണം തലയോട്ടിക്കേറ്റ ക്ഷതം കാരണമെന്ന് പോസ്റ്റ്മോർട്ടം റിപ്പോർട്ട്.തലയിൽ രക്തസ്രാവം ഉണ്ടായി.തലയോട്ടി തകർന്ന നിലയിലായിരുന്നു.നിരവധി ക്ഷതങ്ങൾ തലയിലുണ്ടായിരുന്നുവെന്നും റിപ്പോർട്ടിൽ പറയുന്നു.

പോസ്റ്റ് മോർട്ടം റിപ്പോർട്ട് പുറത്ത് വരുന്നതിനു മുൻപ് മുഖ്യമന്ത്രി പറഞ്ഞത് ഹൃദയസ്തംഭനം മൂലമാണ് മരണം എന്നായിരുന്നു.ഇത് അപ്പോൾ തന്നെ കുടുംബം തള്ളിയിരുന്നു.സിപിഎം നടത്തിയ നീചമായ കൊലപാതകത്തിന്റെ പ്രതികളെ സംരക്ഷിക്കാനുള്ള ശ്രമമാണ് മുഖ്യമന്ത്രി നടത്തിയതെന്ന ആരോപണം ശക്തമാകുകയാണ്

പന്തളത്ത് ശബരിമല കര്‍മ്മ സമിതിയുടെ പ്രകടനത്തിന് നേരെ സിപിഎം നടത്തിയ കല്ലേറിലാണ് ചന്ദ്രന്‍ ഉണ്ണിത്താന് പരിക്കേറ്റത്. പരിക്ക് ഗുരുതരമായതിനെ തുടര്‍ന്ന് അദ്ദേഹത്തെ തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല.സംഘര്‍ഷ സാധ്യതയുണ്ടായിരുന്നിട്ടും പോലീസ് മുന്‍കരുതലൊന്നും എടുത്തില്ലെന്നും പ്രതികളെ രക്ഷിക്കാന്‍ പോലീസും സിപിഎമ്മും ഒത്തുകളിക്കുകയാണെന്നും ഉണ്ണിത്താന്റെ ഭാര്യ വിജയമ്മ പറഞ്ഞിരുന്നു.
സിപിഎം പാർട്ടി ഓഫീസിന്റെ മുകളിൽ നിന്ന് കല്ലെറിഞ്ഞ് കൊന്നതാണ് അച്ഛനെ.വയലിൽ പണിയെടുക്കുമ്പോൾ പോലും ഒരു ശാരീരിക അസ്വസ്ഥ്യങ്ങളും ഉണ്ടായിട്ടില്ല.ഒന്നുമറിയാതാണോ മുഖ്യമന്ത്രി ഇതൊക്കെ പറയുന്നത്. മറ്റുള്ളവരെ കൊല്ലാനുള്ള മുഖ്യമന്ത്രിയാണോ,ഇന്നാട്ടിലെ എല്ലാരെയും നിങ്ങള് കൊല്ലും ‘ പൊട്ടിക്കരഞ്ഞ് ചന്ദ്രൻ ഉണ്ണിത്താന്റെ മകൾ അഖില പറഞ്ഞു.

സ്ത്രീകൾക്കായി എന്ന പേരിൽ വനിതാ മതിൽ സംഘടിപ്പിച്ചത്തിനു പിന്നാലെ ഒരു കുടുംബം തീർത്തും അനാഥമായി കേഴുന്നു. അനാഥമായി തീർന്ന ഈ കുടുംബത്തിന്റെ കണ്ണീരിനു മേലാണ് പിണറായി വിജയൻ സിപിഎം ഗുണ്ടകളെ സംരക്ഷിക്കുന്നത് എന്നാണു ഇപ്പോളുയരുന്ന ആരോപണം