ക്രിസ്മസ് പുതുവത്സരത്തോടനുബന്ധിച്ച് സംസ്ഥാനത്ത് റെക്കോര്‍ഡ് മദ്യ വില്‍പ്പന. കഴിഞ്ഞ വർഷത്തെ അപേക്ഷിച്ച്‌ 34 കോടി രൂപയുടെ വർധനവാണ് ഇത്തവണ ബിവറേജസ്കോർപ്പറേഷന് ലഭിച്ചിരിക്കുന്നത്. ക്രിസ്മസിന് കൊച്ചി നെടുമ്പാശേരിയും പുതുവത്സര തലേന്ന് പാലാരിവട്ടവും ആണ് വില്‍പ്പനയില്‍
ഒന്നാം സ്ഥാനം നേടിയിരിക്കുന്നത് .

ഡിസംബര്‍ 22 മുതല്‍ 31 വരെയുള്ള ക്രസിമസ് പുതുവത്സരാഘോഷ കാലത്ത് മലയാളികൾ 514.34 കോടി രൂപയുടെ മദ്യമാണ്കുടിച്ച് തീർത്തത് . എന്നാൽ കഴിഞ്ഞ വര്‍ഷം ഈ സമയത്ത് ഇത് 480.67 കോടി ആയിരുന്നു. ക്രിസമ്സിന്‍റെ തലേദിവസം 64.63 കോടി രൂപയുടെ മദ്യമാണ് ബിവറേജസ് കോര്‍പ്പറേഷന്‍ വിറ്റത്. മുന്‍ വര്‍ഷം ഇത് 49.2 കോടി ആയിരുന്നു.

ക്രിസ്മസ് ദിനത്തിലും വില്‍പ്പന മോശമായില്ല. 40.6 കോടിയുടെ മദ്യം ചെലവായി. പുതുവത്സരാഘോഷം തകര്‍ത്തു. ഡിസംബര്‍ 31ന് 78.77 കോടിയുടെ മദ്യം വിറ്റ പ്പോള്‍ മുന്‍വരപ്‍ഷത്തെ 61.7കോടി പഴങ്കഥയായി.ക്രസിമസ് തലേന്ന് നെടുമ്ബാശ്ശേരിയിലെ ഔട്ലെറ്റിലാണ് ഏറ്റവുമധികം വില്‍പ്പന നടന്നത്.

51.3 ലക്ഷം രൂപ. പുതുവര്‍ഷതലേന്ന് പാലാരിവട്ടത്തെ ഔട്ട് ലെറ്റ് വില്‍പ്പനയില്‍ മുന്നിലെത്തി 73.53 ലകഷം രൂപ. വിദേശ നിര്‍മ്മിത വിദേശം മദ്യം ബിവറേജസ് കോര്‍പ്പറേഷന്‍ വില്‍പ്പനക്കെത്തിച്ചുവെങ്കിലും കാര്യമായ പ്രതികരണമുണ്ടാക്കാനായില്ല.