ശബരിമല യുവതീപ്രവേശന വിധിയുടെ മറവില് സംസ്ഥാനത്ത് സര്ക്കാര് സ്പോണ്സേഡ് കലാപം നടക്കുന്നെന്ന് എന്.എസ്.എസ് ജനറല് സെക്രട്ടറി ജി.സുകുമാരന് നായര്, ആചാരാനുഷ്ഠാനങ്ങള് ഇല്ലാതാക്കി നിരീശ്വരവാദം നടപ്പാക്കാനുള്ള ആസൂത്രിതനീക്കമാണ് നടക്കുന്നത്
പിണറായി സര്ക്കാരിനെതിരെ ആഞ്ഞടിച്ച് എന്.എസ്.എസ്. കലാപത്തിന് കാരണം സര്ക്കാരാണെണെന്ന് എന്.എസ്.എസ് ജനറല് സെക്രട്ടറി ജി.സുകുമാരന് നായര് വാര്ത്താക്കുറിപ്പില് ആരോപിച്ചു. നവോത്ഥാനത്തിന്റെ പേര് പറഞ്ഞ് നിരീശ്വരവാദം നട്പപാക്കാനാണ് ശ്രമിക്കുന്നത്. ജനങ്ങള് നല്കിയ അധികാരം ഉപയോഗിച്ച് പാര്ട്ടി നയം നടപ്പാക്കാനാണ് ശ്രമിക്കുന്നത്. വിശ്വാസം സംരക്ഷിക്കാന് സര്ക്കാരിന് ബാധ്യതയുണ്ട്. സര്ക്കാര് ബാധ്യത നിറവേറ്റിയില്ലെങ്കില് വിശ്വാസികള് തെരുവില് ഇറങ്ങുന്നതില് തെറ്റില്ല. സമാധാനപരമായി പരിഹരിക്കാമായിരുന്ന പ്രശ്നം ഇത്രയും സങ്കീര്ണമാക്കിയത് സര്ക്കാരാണെന്നും വാര്ത്താക്കുറിപ്പില് ആരോപിക്കുന്നു.
സുപ്രീംകോടതിവിധിയുടെ മറവിണ് നവോത്ഥാനത്തിന്റെ പേര് പറഞ്ഞ് ശബരിമലയിലെ യുവതീപ്രവേശനത്തിലൂടെ ആചാരാനുഷ്ഠിനങ്ങള് ഇല്ലാതാക്കി നിരീശ്വരവാദം നടപ്പാക്കാനുള്ള ആസൂത്രിതനീക്കമാണ് സര്ക്കാരിന്റെ ഭാഗത്ത് നിന്നും നടന്ന് വരുന്നത്. ജനങ്ങള് നല്കിയ അധികാരം കയ്യില്വെച്ചു കൊണ്ട് ഏതു ഹീനമാര്ഗവും ഉപയോഗിച്ച് പാര്ട്ടിയുടെ നയം നടപ്പാക്കുക എന്നതാണ് ഇതിന്റൈ പിന്നിലെ ലക്ഷ്യമെന്ന് സംശയിക്കുന്നതില് തെറ്റ് പറയാനാവില്ല.
അനാവശ്യമായ നിരോധനാജ്ഞ നടപ്പാക്കുക, നിരപരാധികളായ ഭക്തജനങ്ങളെ കേസില് കുടുക്കി ജയിലിലടയ്ക്കുക, നാട്ടില് മുഴുവന് അരാജകത്വം സൃഷ്ടിക്കുക, എന്ത് കള്ളവുംമാറിമാറിപ്പറഞ്ഞ് തങ്ങളുടെ ലക്ഷ്യം സാധൂകരിക്കാന് ശ്രമിക്കുക, ഹൈന്ദവആചാര്യന്മാരെ നികൃഷ്ടമായി അധിക്ഷേപിക്കുക, വിശ്വാസികളെ വെല്ലുവിളിക്കുകയും പരിഹസിക്കുകയും ചെയ്യുക ഇതെല്ലാമാണ് സര്ക്കാര് നടത്തുന്നത്. ഇതൊരു ജനാധിപത്യ സര്ക്കാരിന് യോജിച്ചതാണോ എന്നും സുകുമാരന് നായര് ചോദിക്കുന്നു.
ശബരിമലയിലെ നിലവിലുള്ള ആചാരാനുഷ്ഠാനങ്ങള് സംരക്ഷിച്ച് ഈശ്വരവിശ്വാസം നിലനിനിലനിര്ത്തേണ്ട?ത് ബഹുഭൂരിപക്ഷം വരുന്ന വിശ്വാസികളുടെ ആവശ്യമാണ്. അത് സംരക്ഷിക്കേണ്ട ബാധ്യത സര്ക്കാരിനുണ്ട്. സര്ക്കാരത് ചെയ്തില്ലെങ്കില് സംരക്ഷിക്കേണ്ട ബാധ്യത സര്ക്കാരിനുണ്ട്. സര്ക്കാര് അത് ചെയ്തില്ലെങ്കില് അത് സംരക്ഷിക്കാനായി വിശ്വാസികള് രംഗത്ത് വരുന്നതില് തെറ്റ് പറയാനാവുമോ? അതിന് രാഷ്ട്രീയനിറം കൊടുകൊടുത്ത് സര്ക്കാര് പ്രതിരോധിക്കാന് ശ്രമിക്കുന്നത് ശരിയല്ല.
ഏത് മതത്തിന്റെയായാലും വിശ്വാസം സംരക്ഷക്കപ്പെടേണ്ടത് മനുഷ്യരാശിയുടെ നിലനില്പ്പിന്റെ ആവശ്യമാണ്. ശബരിമല വിഷയം എല്ലാ മത-സാമുദായിക വിഭാഗങ്ങളുമായി ബന്ധപ്പെട്ടുളളതാണ്. അവിടുത്തെ വിശ്വാസം തകര്ക്കാന് ആരേയും അനുവദിക്കില്ല. സര്ക്കാരിനെതിരെ സമാധാനപരമായി പ്രതികരിക്കേണ്ട സമയം അതിക്രമിച്ചെന്നും സുകുമാരന് നായര് ചൂണ്ടിക്കാട്ടി.
https://www.facebook.com/Malayalivartha
