സഖാവ് പിണറായി വിജയന് വാഴ്കെ ! ; യുവതീപ്രവേശനം അനുവദിച്ച എല്.ഡി.എഫ് സര്ക്കാരിനെയും മുഖ്യമന്ത്രി പിണറായി വിജയനെയും വാനോളം പുകഴ്ത്തി തമിഴ്നാട്ടില് വ്യാപക പോസ്റ്ററുകള്
ശബരിമലയില് യുവതീപ്രവേശനം അനുവദിച്ച എല്.ഡി.എഫ് സര്ക്കാരിനെയും മുഖ്യമന്ത്രി പിണറായി വിജയനെയും വാനോളം പുകഴിത്തി തമിഴ്നാട്ടില് വ്യാപകമായി പോസ്റ്ററുകള്. വന് പിന്തുണയും ആദരവുമാണ് മുഖ്യമന്ത്രിയ്ക്ക് തമിഴകം നല്കുന്നത്. കഴിഞ്ഞ ദിവസം നടന് സത്യരാജ് പിണറായിയെ പ്രശംസിച്ച് രംഗത്തെത്തിയിരുന്നു. തമാഴ്നാട്ടില് പിണറായി വിജയനെ പോലുള്ള കമ്മ്യൂണിസ്റ്റ് ഭരണാധികാരികള് വേണമെന്നും അദ്ദേഹം ആവശ്യപ്പെട്ടിരുന്നു.
ചെന്നൈയില് ഉള്പ്പെടെ തമിഴ്നാട് നീളെ സഖാവ് പിണറായി വിജയന് വാഴ്കെ എന്ന പോസ്റ്ററുകള് സ്ഥാപിച്ചിരിക്കുകയാണ്. സംഭവത്തിന്റെ വീഡിയോ ചെയ്ത് സമൂഹമാധ്യമങ്ങളില് വ്യാപകമായി പ്രചരിക്കുകയും യുവതീ പ്രവേശനത്തെ കുറിച്ച് ചര്ച്ച ചെയ്യുന്നുമുണ്ട്. ശബരിമല വിഷയത്തില് സ്ത്രീകള്ക്കുവേണ്ടി സ്വീകരിച്ച ഉറച്ച നിലപാടും, അക്രമികളെ അടിച്ചമര്ത്തിയതും പിണറായി ദേശീയ തലത്തില് പ്രതീക്ഷയുള്ള നേതാവായി ഉയര്ന്നെന്നും വീഡിയോകളില് പറയുന്നു.
പിണറായിയുടെ ജീവചരിത്രം ഉള്പ്പെടെ അവതരിപ്പിച്ചുകൊണ്ടാണ് സമൂഹമാധ്യമങ്ങളില് വീഡിയോ പോസ്റ്റു ചെയ്തിരിക്കുന്നത്. തമിഴ്നാട്ടില് പല ക്ഷേത്രങ്ങളിലും ദളിതര്ക്ക് ഉള്പ്പെടെ പ്രവേശനമില്ല. മാത്രമല്ല സ്ത്രീകള് ഉള്പ്പെടെ നിരവധി ഭക്തര് അവിടെ നിന്നും ശബരിമലയില് എത്തുന്നുണ്ട്. അവര്ക്ക് ഏറെ സന്തോഷം പകരുന്നതാണ് യുവതീപ്രവേശനം. മുമ്പ് ദേവസ്വം ബോര്ഡ് ക്ഷേത്രങ്ങളില് ദളിത് പൂജാരിമാരെ നിയമിച്ച എല്.ഡി.എഫ് സര്ക്കാരിനെയും പിണറായി വിജയനേയും കമലാഹാസന് ഉള്പ്പെടെ പ്രകീര്ത്തിച്ചിരുന്നു.
ദളിത് പൂജാരിയെ നിയമിച്ചതിനെ തുടര്ന്ന് ചെന്നൈയില് പിണറായിക്ക് സ്വീകരണവും നല്കിയിരുന്നു. പ്രളയത്തെ നേരിട്ട രീതിയെ പ്രകീര്ത്തിച്ചും തമിഴ്നാട്ടില് പിണറായിയെ അനുകൂലിച്ച് നിരവധി പോസ്റ്റുകള് പ്രചരിച്ചിരുന്നു. തമിഴ്നാട്ടില് നിന്ന് മനീതി സംഘം പ്രവര്ത്തകരടക്കം ശബരിമല ദര്ശനത്തിനെത്തിയപ്പോള് അവര്ക്ക് വേണ്ട എല്ലാ സുരക്ഷയും സര്ക്കാര് നല്കിയിരുന്നു. തമിഴ്നാട്ടില് നിന്നെത്തിയ മറ്റ് പല യുവതികള്ക്കും നല്കിയിരുന്നു. എന്നാല് ആര്.എസ്.എസ് പ്രതിഷേധം കാരണം യുവതികള്ക്ക് മലകയറാനായില്ല.
https://www.facebook.com/Malayalivartha
