മുഹൂർത്ത സമയത്ത് വരന്റെ ബന്ധുക്കളെത്തി വരൻ മുങ്ങി, ഒടുവിൽ വധുവിന്റെ കൈപിടിച്ചത് സുഹൃത്തിന്റെ സഹോദരന്...
വിവാഹത്തിനു വരന് എത്താതെ വിവാഹം മുടങ്ങുമെന്നായപ്പോള് വധുവിന്റെ കുടുംബസുഹൃത്തിന്റെ സഹോദരന് താലിചാര്ത്തി. കുരമ്പാല തെക്ക് കാഞ്ഞിരമുകളില് മധുവിന്റെ മകള് മായയുടെ വിവാഹമാണ് ചൊവ്വാഴ്ച പകല് 11.40നും 12 നും മദ്ധ്യേയുള്ള മുഹൂര്ത്തത്തില് കുരമ്ബാല പുത്തന്കാവില് ഭഗവതി ക്ഷേത്രത്തില് നിശ്ഛയിച്ചിരുന്നത്. താമരക്കുളം സ്വദേശിയായ വരൻ മൂഹൂര്ത്തം അടുത്തിട്ടും എത്തിയില്ല. അന്വേഷിച്ചപ്പോള് വരന് വീട്ടില് നിന്ന് രാവിലെ മുങ്ങിയതായി അറിഞ്ഞു. ബന്ധുക്കള് പന്തളം പൊലീസില് പരാതി നല്കി.
പന്തളം പൊലീസ് നൂറനാട് പൊലീസുമായി ബന്ധപ്പെട്ടു നടത്തിയ അന്വേഷണത്തില് വരനെ രാവിലെ മുതല് കാണാനില്ല എന്ന് വ്യക്തമായി. പ്രതിസന്ധി മറികടക്കാന് പോംവഴികള് തേടി. മുന് ഗ്രാമപഞ്ചായത്ത് മെമ്ബര് ആര്. ജ്യോതികുമാര് മുന്കൈ എടുത്ത് വിവാഹത്തിന് തയ്യാറായ കുടുംബസുഹൃത്തിന്റെ സഹോദരന് സുധീഷുമായി വിവാഹം ഉറപ്പിച്ചു. പൂഴിക്കാട് പൊയ്കകുറ്റിയില് ജാനകിയമ്മയുടെ മകനാണ് സുധീഷ്. വൈകുന്നേരം മൂന്നിന് നേരത്തെ നിശ്ചയിച്ച ക്ഷേത്രത്തില് വച്ചു തന്നെ വിവാഹം നടത്തി. വിഭവസമൃദ്ധമായ സദ്യയും നല്കി.
https://www.facebook.com/Malayalivartha
