വനിതാമതിലില് വെള്ളപ്പള്ളി വീണ്ടും മറുകണ്ടം ചാടി, മതില് ഗംഭീരവിജയമായിരുന്നെന്നും ലോകത്തെങ്ങും ഇതുപോലൊരു മതില് തീര്ത്തിട്ടില്ലെന്നും അത്ഭുതമാണെന്നും ഇന്ന് ചേര്ന്ന നവോത്ഥന കൂട്ടായ്മ മീറ്റിംഗിന് ശേഷം അദ്ദേഹം പറഞ്ഞു
വനിതാമതിലില് വെള്ളപ്പള്ളി വീണ്ടും മറുകണ്ടം ചാടി. ഇന്ന് ചേര്ന്ന നവോത്ഥന കൂട്ടായ്മ മീറ്റിംഗിന് ശേഷം നടത്തിയ വാര്ത്താസമ്മേളനത്തില് മതില് ഗംഭീരവിജയമായിരുന്നെന്നും ലോകത്തെങ്ങും ഇതുപോലൊരു മതില് തീര്ത്തിട്ടില്ലെന്നും അത്ഭുതമാണെന്നും അദ്ദേഹം വ്യക്തമാക്കി. രണ്ട് ദിവസം മുമ്പ് വനിതാ മതില് വിജയമായിരുന്നെന്നും എന്നാല് അടുത്ത ദിവസം യുവതീപ്രവേശനം നടന്നതോടെ മതില് കെണിയായെന്ന് അദ്ദേഹം വിമര്ശിച്ചിരുന്നു. അത് സര്ക്കാരില് ആശയക്കുഴപ്പം സൃഷ്ടിച്ചിരുന്നു. എന്നാല് ഇന്നത്തെ യോഗത്തിനെത്തി സര്ക്കാരിന് അനുകൂലമായ നിലപാടാണ് വെള്ളാപ്പള്ളി സ്വീകരിച്ചത്. യോഗത്തില് മുഖ്യമന്ത്രി പിണറായി, കെ.പി.എം.എസ് നേതാവ് പുന്നല ശ്രീകുമാര് എന്നിവര് പങ്കെടുത്തു.
മതില് കെണിയായെന്ന വെള്ളാപ്പള്ളിയുടെ പരാമര്ശം എതിര്ചേരിക്ക് ഊര്ജ്ജം പകരുമെന്ന് പുന്നല ശ്രീകുമാര് ആരോപിച്ചിരുന്നു. ഇരുവരും ഒന്നിച്ചാണ് ഇന്ന് വാര്ത്താസമ്മേളനത്തിന് എത്തിയത്. യോഗത്തിന് മുമ്പ് എന്.എസ്.എസിനെ ക്ഷണിച്ചെങ്കിലും അവര് വന്നില്ലെന്നും ഇനിയും വന്നാല് സ്വീകരിക്കുമെന്നും ഇവിടെ വാതില് അടച്ചിട്ടില്ലെന്നും വെള്ളാപ്പള്ളി പറഞ്ഞു. ക്രിസ്ത്യന്- മുസ്്ലിം സമുദായ നേതാക്കളെയും നവോത്ഥാന കോര്ഡിനേഷന് കമ്മിറ്റിയല് പങ്കെടുപ്പിക്കാനും തീരുമാനിച്ചു. മുഖ്യമന്ത്രി ഇക്കാര്യം സമ്മതിച്ചു. യോഗത്തില് ആരും തമ്മില് തര്ക്കമോ ആശയക്കുഴപ്പമോ ഇല്ലെന്നും വെള്ളാപ്പള്ളി പറഞ്ഞു.
യുവതീപ്രവേശനം കോടതിയില് കിടക്കുന്ന വിഷയമാണെന്നും വിധി വരുന്നത് വരെ കാത്തിരിക്കണം. അതിന് മുമ്പ് എന്തെങ്കിലും പറയുന്നത് ശരിയല്ലെന്നും വെള്ളാപ്പള്ളി പറഞ്ഞു. യുവതീപ്രവേശനത്തെ അനുകൂലിക്കുമോ എന്ന ചോദ്യത്തിന് ശബരിമല നടയടച്ചെന്നും ഇനി അത് ചര്ച്ച ചെയ്തിട്ട് കാര്യമില്ലെന്നും പറഞ്ഞു. ഇന്ന് രാത്രി എട്ടരയ്ക്കത്തെ ചാനല് ചര്ച്ചയ്ക്ക് എന്നെ കിട്ടില്ലെന്നും അതിനാല് വേറെന്തെങ്കിലും സംസാരിക്കാമെന്നും പറഞ്ഞു. ബി.ഡി.ജെ.എസിന് നാല് സീറ്റ് നല്കാന് ബി.ജെ.പി തീരുമാനിച്ചെങ്കില് അത് അവര് തമ്മിലുള്ള കാര്യമാണ്. പൊന്നുരുക്കുന്നിടത്ത് പൂച്ചയ്ക്ക് എന്ത് കാര്യമെന്ന് വെള്ളാപ്പള്ളി ചോദിച്ചു. അവര് സീറ്റ് വീതംവയ്ക്കുകയോ, മത്സരിക്കുകയോ ചെയ്യട്ടേ എന്നും പറഞ്ഞു.
താന് ബി.ഡി.ജെ.എസിന്റെ ആരുമല്ലെന്നും വെള്ളാപ്പള്ളി വ്യക്തമാക്കി. ജാതിയും മതവും പറഞ്ഞ് തമ്മിത്തല്ലാതെ മതേരത കേരളം സൃഷ്ടിക്കുകയാണ് നവോത്ഥാന കൂട്ടായ്മ യോഗത്തിന്റെ ലക്ഷ്യം. ലോക്സഭാ തെരഞ്ഞെടുപ്പോടെ ഇത് അവസാനിക്കില്ലെന്നും വെള്ളാപ്പള്ളി അറിയിച്ചു. നവോത്ഥാന നേതാക്കളുടെ പ്രാധാന്യം പാഠ്യപദ്ധതിയില് ഉള്പ്പെടുത്തണമെന്ന തങ്ങളുടെ ആവശ്യം സര്ക്കാര് അംഗീകരിച്ചെന്ന് പു്ന്നല ശ്രീകുമാര് പറഞ്ഞു. അതോടൊപ്പം സംസ്ഥാനത്ത് നവോത്ഥാന മ്യൂസിയം നിര്മിക്കാമെന്ന് മുഖ്യമന്ത്രി ഉറപ്പ് നല്കിയതായും പുന്നലശ്രീകുമാര് അറിയിച്ചു.
https://www.facebook.com/Malayalivartha
