കോൺഗ്രസ്സിന് താരത്തിളക്കം നൽകി മഞ്ജു വാര്യർ രാഷ്ട്രീയത്തിലേക്ക്. പൊതു പ്രവർത്തനങ്ങളിൽ സജീവമായിരുന്ന മഞ്ജു ഇനി രാഷ്ട്രീയത്തിൽ പയറ്റും. റിമ കല്ലിങ്ങൽ ഉൾപ്പെടെയുള്ളവരെ സിപിഎം പരീക്ഷിക്കാനൊരുങ്ങുമ്പോളാണ് മലയാളി കുടുംബങ്ങളുടെ പ്രിയപ്പെട്ട മഞ്ജു കോൺഗ്രസിലേക്ക് ചേക്കേറുന്നത്. കോൺഗ്രസുമായി ഏറെ ബന്ധമുള്ള ദിലീപിൽ നിന്ന് വിവാഹ മോചനം നേടിയ മഞ്ജു ഇടതു പക്ഷത്തേക്കാണെന്ന് അഭ്യൂഹങ്ങൾ ഉണ്ടായിരുന്നു അതിനിടയിലാണ് ഈ അപ്രതീക്ഷിത ക്ളൈമാക്സ്.

കോൺഗ്രസുമായി സഹകരിച്ചു പ്രവർത്തിക്കാൻ മഞ്ജു വാരിയർ ആഗ്രഹം പ്രകടിപ്പിച്ചു. കോൺഗ്രസ് നേതൃത്വവുമായി മഞ്ജു വാരിയർ കൂടിയാലോചന നടത്തി. എന്നാൽ മഞ്ജുവിന് സീറ്റുനൽകാൻ കോൺഗ്രസ്സ് താല്പര്യം പ്രകടിപ്പിച്ചില്ല. അതേസമയം പ്രചാരണ രംഗത്ത് സജീവമാകും. എന്നാൽ ഇതുമായി ബന്ധപ്പെട്ട ചർച്ചകൾ ഒന്നുംതന്നെ നടന്നിട്ടില്ലെന്ന് മഞ്ജുവുമായി അടുത്ത വൃത്തങ്ങൾ സൂചിപ്പിക്കുന്നു.

വരാൻപോകുന്ന പാർലമെൻറ്റ് തിരഞ്ഞെടുപ്പിൽ തൃശൂർ ജില്ലയിൽ കോൺഗ്രസ്സ് സ്ഥാനാർഥിയാക്കുന്നതടക്കമുള്ള ചർച്ചകളാണ് ആദ്യഘട്ടത്തിൽ പരിഗണനയിൽ വന്നത്. എന്നാൽ തൃശൂർ വളരെയധികം ജന സ്വാധീനമുള്ള മണ്ഡലമാണ് അതുകൊണ്ട് അവിടെ താര പരിവേഷമുള്ള ഒരു ആളിനെ മത്സരിപ്പിക്കേണ്ടതില്ല എന്ന തരത്തിൽ പാർട്ടി നിലപാട് വളരെ ശക്തമായിരുന്നു. പാർട്ടി പ്രവർത്തകർക്കിടയിൽ തന്നെ അക്കാര്യത്തിൽ എതിർപ്പുകൾ വന്നു. അതുകൊണ്ടാണ് മഞ്ജു മത്സര രംഗത്ത് വേണ്ട എന്ന് തീരുമാനിച്ചത്. കെപിസിസി ഉന്നത നേതാക്കളുമായി മഞ്ജു വാര്യർ നടത്തിയ ആശയ വിനിമയത്തിന്റെ ഭലമായി തിരഞ്ഞെടുപ്പ് പ്രചാരണത്തിനടക്കം സജീവമായി പ്രവർത്തിക്കും എന്നാണ് കോൺഗ്രസ്സ് നേതൃത്വം നൽകുന്ന സൂചന. എന്നാൽ ഏത് തരത്തിലുള്ള സഹകരണമാണ് എന്നത് സംബന്ധിച്ച് ധാരണയായില്ല.

സംസ്ഥാന സര്‍ക്കാരിന്റെ വനിതാ മതിലിന് പിന്തുണ പ്രഖ്യാപിച്ച മഞ്ജു മണിക്കൂറുകള്‍ക്കുള്ളില്‍ ഈ പിന്തുണ പിന്‍വലിച്ചിരുന്നു. സംസ്ഥാന സര്‍ക്കാരിന്റെ ഒട്ടേറെ പരിപാടികളോട് സഹകരിച്ചിട്ടുണ്ടെന്നും എന്നാല്‍, വനിതാ മതിലിന് ഇതിനോടകം രാഷ്ട്രീയ നിറം കൈവന്നിട്ടുണ്ടെന്നും വ്യക്തമാക്കിയായിരുന്നു മഞ്ജുവിന്റെ പിന്മാറ്റം. ഈ സാഹചര്യത്തിലാണ് മഞ്ജുവിന്റെ രാഷ്ട്രീയ പ്രവേശനം ചർച്ചയാകുന്നത്.