എല്.ഡി.എഫിന്റെ വനിതാ മതിലില് നിന്ന് ചാടിയ മഞ്ജുവാര്യര് കോണ്ഗ്രസിലേക്ക് എത്തുന്നത് പാര്ട്ടിക്ക് വലിയ കരുത്തായിരിക്കും നല്കുക, മാത്രമല്ല രാഷ്ട്രീയമായി യു.ഡി.എഫിന് വലിയ നേട്ടവുമായിരിക്കും
എല്.ഡി.എഫിന്റെ വനിതാ മതിലില് നിന്ന് ചാടിയ മഞ്ജുവാര്യര് കോണ്ഗ്രസിലേക്ക് എത്തുന്നത് പാര്ട്ടിക്ക് വലിയ കരുത്തായിരിക്കും നല്കുക. മാത്രമല്ല രാഷ്ട്രീയമായി കോണ്ഗ്രസിന് വലിയ നേട്ടവുമായിരിക്കും. ഇതുവരെ പിണറായി സര്ക്കാരുമായി സഹകരിച്ചിരുന്ന മഞ്ജുവാര്യര് സാക്ഷരതാ മിഷന്റെ അംബാസിഡറുമാണ്. സര്ക്കാരിന്റെ വിവിധ പരിപാടികളില് പങ്കെടുക്കുകയും വിവിധ വകുപ്പുകളുടെ പരസ്യങ്ങളില് അഭിനയിക്കുകയും ചെയ്തിരുന്നു. മഞ്ജുവാര്യരുടെ ഇടപെടലോടെയാണ് ദിലീപിനെതിരായ കേസില് സര്ക്കാര് ശക്തമായി ഇടപെട്ടത്. വിമന് ഇന് കളക്ടീവ് സിനിമ എന്ന കൂട്ടായ്മയുമായി മഞ്ജുവാണ് മുഖ്യമന്ത്രിയെ കാണാനെത്തിയത്.
എന്നാല് വനിതാ മതിലിന് പിന്തുണ അറിയിച്ച ശേഷം അതില് നിന്ന് പിന്മാറിയതോടെ മഞ്ജുവാര്യര്ക്കെതിരെ സര്ക്കാരും സി.പി.എമ്മും രംഗത്തെത്തി. താരത്തെ വ്യക്തിപരമായി അധിക്ഷേപിക്കുന്ന പോസ്റ്റുകളില് സഖാക്കള് സൈബര് ഇടങ്ങളില് പോസ്റ്റ് ചെയ്തു. മതിലില് രാഷ്ട്രീയം ഉണ്ടെന്ന് തനിക്കറിയില്ലായിരുന്നു എന്ന് പറഞ്ഞാണ് മഞ്ജു പിന്മാറിയത്. അതിനെ തുടര്ന്നുണ്ടായ വിവാദങ്ങള്ക്ക് താരം മറുപടി നല്കിയില്ല. മഞ്ജുവിന് പിന്തുണയുമായി പ്രതിപക്ഷനേതാവ് രമേശ് ചെന്നിത്തല അടക്കം രംഗത്തെത്തുകയും ചെയ്തു. മഹിളാ കോണ്ഗ്രസ് നേതാക്കളായ ലതികാ സുഭാഷും ബിന്ദുകൃഷ്ണയും രംഗത്തെത്തി. അതിന് പിന്നാലെയാണ് കോണ്ഗ്രസിലെ ചില ഉന്നത നേതാക്കള് മഞ്ജുവുമായി ആശയവിനിമയം നടത്തിയത്.
കോഴിക്കോട് ബി.ജെ.പിയുടെ ദേശീയ സമ്മേളനം നടന്നപ്പോള് മഞ്ജുവാര്യര് നൃത്തപരിപാടി നടത്തിയിരുന്നു. അത് വലിയ വിവാദമായിരുന്നു. എന്നാല് താന് ഒരു രാഷ്ട്രീയ പാര്ട്ടിയിലേക്കും ഇല്ലെന്നും കലയാണ് തന്റെ രാഷ്ട്രീയമെന്നും താരം അന്ന് വ്യക്തമാക്കിയിരുന്നു. ഹൗ ഓള്ഡ് ആര് യു എന്ന സിനിമ ഹിറ്റായതോടെ ജൈവപച്ചക്കറിയുടെ അംബാസിഡറായി മഞ്ജു പ്രവര്ത്തിച്ചു. അങ്ങനെയാണ് സര്ക്കാരുമായി അടുക്കുന്നത്. സര്ക്കാരിന്റെ, പ്രത്യേകിച്ച് സാമൂഹ്യക്ഷേമവകുപ്പിന്റെ പരിപാടികളില് മഞ്ജു സജ്ജീവസാനിധ്യമായിരുന്നു. ഇത് സിനിമാ മേഖലയില് മഞ്ജുവിന്റെ എതിരാളികള്ക്ക് പോലും അസൂയ ഉളവാക്കി.
കൊച്ചിയില് നടി ആക്രമിക്കപ്പെട്ട സംഭവവും അതിനെ തുടര്ന്ന് ദിലീപ് അറസ്റ്റിലാവുകയും ചെയ്ത സംഭവങ്ങളിലെല്ലാം സര്ക്കാര് മഞ്ജുവിനൊപ്പം നിന്നു. പക്ഷെ, പലരുടെയും സമ്മര്ദ്ദത്തിന് വഴങ്ങിയാണ് മഞ്ജു വനിതാ മതിലില് നിന്ന് പിന്മാറിയതെന്ന് അറിയുന്നു. അത് സര്ക്കാരിനെയും സി.പി.എമ്മിനെയും ചൊടിപ്പിക്കുകയും ചെയ്തു. അതിന് പിന്നാലെ കോണ്ഗ്രസുമായി സഹകരിക്കുമെന്നുള്ള വാര്ത്ത വന്നത് സര്ക്കാരിന് വലിയ തിരിച്ചടിയാണ്. എന്നാല് വാര്ത്തസംബന്ധിച്ച് മഞ്ജു ഇതുവരെ ഔദ്യോഗികമായി പ്രതികരിച്ചിട്ടില്ല.
https://www.facebook.com/Malayalivartha
