കുറേ നാളായി തലസ്ഥാന നഗരത്തിലുള്പ്പെടെ വാറ്റ്ചാരായം എത്തിച്ചിരുന്ന യുവതിയെ തന്ത്രപരമായി എക്സൈസ് പിടികൂടി, യാത്രക്കാരേയും കൊണ്ട് പോകുമ്പോഴാണ് ചാരായം കടത്തിയിരുന്നത്, അതിനാല് യാതൊരു സംശയവും ഉണ്ടായിരുന്നില്ല.
കുറേ നാളായി തലസ്ഥാന നഗരത്തിലുള്പ്പെടെ വാറ്റ്ചാരായം എത്തിച്ചിരുന്ന യുവതിയെ തന്ത്രപരമായി എക്സൈസ് പിടികൂടി. ആര്യനാട് എരുമോട് കുന്നുംപുറത്തുവീട്ടില് ദീപ(38) ആണ് അറസ്റ്റിലായത്. രണ്ട് മാസത്തെ രഹസ്യനീക്കത്തിനൊടുവിലാണ് ദീപ വലയിലായത്. തിരുവനന്തപുരം ജില്ലയിലെ വാറ്റുചാരായക്കോട്ടയായ ആര്യനാട്ട് നിന്നാണ് ദീപ മറ്റ് പലയിടങ്ങളിലേക്കും ആവശ്യക്കര്ക്കും ഏജന്റുമാര്ക്കും ചാരായം എത്തിച്ചിരുന്നത്. യുവതിയായ ഡ്രൈവറായതിനാല് പൊലീസിനോ, എക്സൈസിനോ സംശയവും തോന്നിയിരുന്നില്ല. അതിനാല് ദീപ സുരക്ഷിതമായി ചാരായം എത്തേട്ടിടത്ത് എത്തിച്ചുകൊണ്ടേയിരുന്നു. അതിനിടെ ആരൊ എക്സൈസിന് വിവരം ചോര്ത്തി നല്കി.
രഹസ്യവിവരത്തെ തുടര്ന്ന് ദീപ എക്സൈസിന്റെ നിരീക്ഷണത്തിലായിരുന്നു. എന്നാല് ദീപ ഇവരുടെ വലയിലായില്ല. അത്രയും പഴുതടച്ച നീക്കങ്ങളാണ് ദീപ നടത്തിയത്. അതിനിടെ ദീപ പതിവായി തലസ്ഥാന നഗരിയില് ഓട്ടോറിക്ഷയില് വാറ്റുചാരായം രഹസ്യമായി എത്തിക്കുന്നതായി എക്സൈസ് കമ്മിഷണര്ക്ക് രഹസ്യ വിവരം ലഭിച്ചു. അതിന്റെ അടിസ്ഥാനത്തില് രഹസ്യ നീരീക്ഷണത്തിലായിരുന്നു ദീപയും ഓട്ടോറിക്ഷയും. കാഴ്ചയില് നിഷ്ക്കളങ്കയായ ദീപയെ കണ്ടാല് ഇത്തരമൊരു കൃത്യം ചെയ്യുമോ എന്ന് സ്വപ്നത്തില് പോലും ആരും കരുതുകയില്ലെന്ന് എക്സൈസ് ഉദ്യോഗസ്ഥര് പറയുന്നു. പൊലീസ് വാഹനം പരിശോധിച്ചപ്പോഴും ദീപ പതറിയില്ല. യാത്രക്കാരേയും കൊണ്ട് പോകുമ്പോഴാണ് ചാരായം കടത്തിയിരുന്നത്. അതിനാല് യാതൊരു സംശയവും ഉണ്ടായിരുന്നില്ല.
ഓട്ടോറിക്ഷയാകെ എക്സൈസ് ഉദ്യോഗസ്ഥര് അരിച്ചുപെറുക്കിയെങ്കിലും ഒന്നും കണ്ടെത്താനായില്ല. എന്നാല് സംശയം തീരാത്തതിനെ തുടര്ന്ന് ഓട്ടോയുടെ പിന്നിലെ സ്പീക്കറുകള് പൊലീസ് അഴിച്ചു പരിശോധിച്ചു. ബോക്സിനുള്ളിലാക്കിയ സ്പീക്കറുകള്ക്കുള്ളില് പ്ലാസ്റ്റിക് കവറുകളിലാക്കിയാണ് ചാരായം ഒളിപ്പിച്ചു കടത്തിയിരുന്നതെന്ന് അതോടെ കണ്ടെത്തി. പിടിയിലാകുമ്പോള് രണ്ടു ലിറ്റര് ചാരായവും എക്സൈസ് സ്പീക്കര് ബോക്സിനുള്ളില് നിന്നും കണ്ടെടുത്തു. ആര്യനാട് കോട്ടയ്ക്കകത്തു നിന്നും ചാരായം കയറ്റി തിരുവനന്തപുരത്തേയ്ക്കുള്ള യാത്രാമദ്ധ്യേ ഉഴമലയ്ക്കല് ചാരുമൂട് ഭാഗത്ത് വെച്ചാണ്് എക്സൈസ് സംഘം ദീപയുടെ ഓട്ടോ തടഞ്ഞ് പരിശോധിച്ചത്.
ദീപയുടെ കൂട്ടാളികളെപ്പറ്റിയും എക്സൈസിന് വിവരം ലഭിച്ചിട്ടുണ്ട്. ദീപ മുന്പും നിരവധി പൊലീസ് , എക്സൈസ് , അബ്കാരി കേസുകളില് പ്രതിയായിട്ടുണ്ട്. ആര്യനാട് എക്സൈസ് ഇന്സ്പെക്ടര് എ.പി.ഷാജഹാന്,പ്രിവന്റീവ് ഓഫീസര് സതീഷ് കുമാര്,സിവില് എക്സൈസ് ഓഫീസര്മ്മാരായ അനില്കുമാര്,രാജേഷ് വനിതാ സിവില് എക്സൈസ് ഓഫീസര് അശ്വതി എന്നിവര് റെയിഡില് പങ്കെടുത്തു. പ്രതിയെ റിമാന്റ് ചെയ്തു. ഓട്ടോറിക്ഷ പിടികൂടുമ്പോള് മൂന്ന് വനിതകള് യാത്രാക്കാരായി ഉണ്ടായിരുന്നു. ഇവര്ക്ക് ഇതുമായി ബന്ധമുണ്ടോ എന്നും എക്സൈസ് അന്വേഷിക്കുന്നുണ്ട്.
പ്രതിയെ കോടതിയില് ഹാജരാക്കി. യുവാക്കളും വിദ്യാര്ത്ഥികളുമാണ് മുമ്പ് ചാരായം കടത്തിയിരുന്നത്. പൊലീസും എക്സൈസും പിടികൂടുന്നത് പതിവായതും കടത്തുന്നവര് തമ്മിലുള്ള തര്ക്കവും മറ്റുംകാരണം ഒറ്റുന്നത് പതാവായി. അതിനാലാണ് ദീപയെ പോലുള്ള യുവതികളെ സുരക്ഷതമായി വാറ്റുകാര് ഉപയോഗിക്കുന്നത്.
https://www.facebook.com/Malayalivartha
