ഈ തലമുറ കണ്ട ഏറ്റവും വലിയ പ്രളയം. കേരളം ഒരുമിച്ച് നേരിട്ടു. മത്സ്യതൊഴിലാളികളുള്‍പ്പെടെ ഒന്നിച്ചു. ഇനി പുനര്‍നിര്‍മ്മാണത്തെ സംബന്ധിച്ചാണ്. ശ്രീനാരായനായണ ഗുരുദേവന്‍, അയ്യങ്കാളി, മന്നത്ത് പത്മനാഭന്‍ എന്നിവരെ ഓര്‍മ്മിച്ചാണ് ധനമന്ത്രി തോമസ് ഐസക് ബജറ്റ് അവതരിപ്പിച്ച് തുടങ്ങിയത്.

ശബരിമല വിഷയവും വനിതാമതിലും നവോത്ഥാനവുമായാണ് തോമസ് ഐസക് ബജറ്റ് അവതരിപ്പിച്ചത്. ശബരിമല പ്രക്ഷോഭവും തുടര്‍ന്നുണ്ടായ അക്രമങ്ങളും പറഞ്ഞു. ശബരിമല രണ്ടാമത്തെ ദുരന്തമെന്ന് തോമസ് ഐസക് പറഞ്ഞു. യുവതികളുടെ ഉന്നമനത്തിനായി ചിലപദ്ധതികളും പ്രഖ്യാപിച്ചു. അതിന്റെ പേരില്‍ അവാര്‍ഡും പ്രഖ്യാപിച്ചു

ധനമന്ത്രി തോമസ് ഐസക് സംസ്ഥാന ബജറ്റ് അവതരിപ്പിച്ചു. പ്രളയത്തിനു ശേഷമുള്ള ആദ്യ ബജറ്റാണ് ധനമന്ത്രി ഇന്ന് അവതരിപ്പിച്ചത്. നവകേരള നിര്‍മാണത്തിന് ഊന്നല്‍ നല്‍കിയാകുള്ള ബജറ്റാണ് അവതരിപ്പിച്ചത്. ലോക്‌സഭ തെരഞ്ഞെടുപ്പിനു മുമ്പുള്ള ബജറ്റെന്ന നിലയില്‍ ജനപ്രിയമാക്കാനും ശ്രമിച്ചു. തന്റെ പത്താമത്തെ ബജറ്റാണ് തോമസ് ഐസക് ഇന്ന് അവതരിപ്പിച്ചത്.

പുനര്‍നിര്‍മാണത്തിനുള്ള ഫണ്ട് കണ്ടെത്താനായി പ്രളയ സെസ് ബജറ്റില്‍ പ്രഖ്യാപിച്ചു. കിഫ്ബിയുമായി സഹകരിച്ചുകൊണ്ടുള്ള ആശയങ്ങളും ക്രൗഡ് ഫണ്ടിങ്ങുമായി ബന്ധപ്പെട്ട് സ്വകാര്യ മേഖലയില്‍ നിന്നുള്ള സംഭാവനകളും സഹായങ്ങളും സ്വീകരിച്ചുകൊണ്ടുള്ള നവകേരള നിര്‍മ്മാണ പദ്ധതികളും ബജറ്റില്‍ പ്രാധാന്യം നല്‍കി.

സാമ്പത്തിക മാന്ദ്യം മറികടക്കാനുള്ള പ്രഖ്യാപനങ്ങളും ബജറ്റില്‍ പ്രതിഫലിച്ചു. നേികുതിയേതര വരുമാനം വര്‍ദ്ധിപ്പിക്കാനും നിര്‍ദ്ദേശങ്ങളുണ്ടായി. ഉയര്‍ന്ന നികുതിയുള്ള ഉല്‍പ്പന്നങ്ങളിലാണ് സെസ് ചുമത്തിയത്. ജിഎസ്ടി നിലവില്‍ വന്നതോടെ നികുതിയില്‍ വലിയ മാറ്റം വരുത്താന്‍ കഴിയില്ലെങ്കിലും അധിക വരുമാനം കണ്ടെത്താനുള്ള പദ്ധതികള്‍ ബജറ്റിലുണ്ടായി.

ദീര്‍ഘവീക്ഷണത്തോടെയുള്ള പദ്ധതികള്‍ക്കാണ് ഊന്നല്‍ നല്‍കിയതെന്ന് സംസ്ഥാന ബജറ്റിന് മുന്‍പ് നടത്തിയ വാര്‍ത്താ സമ്മേളനത്തില്‍ തോമസ് ഐസക് നേരത്തെ വ്യക്തമാക്കിയിരുന്നു. സാമ്പത്തിക പ്രതിസന്ധി മറികടക്കുകയാണ് ലക്ഷ്യം. സുസ്ഥിര ധനസ്ഥിതിയിലേക്ക് സംസ്ഥാനം നീങ്ങുന്നു. പാരിസ്ഥിതിക പരിഗണനയോടെ പദ്ധതികള്‍ പ്രഖ്യാപിക്കുമെന്നും അദ്ദേഹം പറഞ്ഞു.