ലോക്‌സഭാ തെരഞ്ഞെടുപ്പ് അടുത്തിരിക്കെ നിലപാട് കടുപ്പിക്കാന്‍ വെള്ളാപ്പള്ളിമാര്‍. കൂടുതല്‍ സ്ഥാനമാനങ്ങള്‍ ചോദിച്ചു വാങ്ങുക തന്നെ ചെയ്യുമെന്ന് നിലപാടില്‍ ഉറച്ച് ബിഡിജെഎസ് ചെയര്‍മാന്‍ തുഷാര്‍ വെള്ളാപ്പള്ളി.

ലോക്‌സഭാ തെരഞ്ഞെടുപ്പില്‍ ബിഡിജെഎസ് മത്സരിക്കാന്‍ താത്പര്യപ്പെടുന്ന എട്ട് സീറ്റുകളുടെ പട്ടിക എന്‍ഡി നേതൃത്വത്തിന് കൈമാറിയതായി തുഷാര്‍ പറഞ്ഞു.

സ്ഥാനാര്‍ഥിത്വം സംബന്ധിച്ച ചോദ്യങ്ങള്‍ക്ക് പാര്‍ട്ടി തലപ്പത്തുള്ളവര്‍ തെരഞ്ഞെടുപ്പില്‍ നിന്നും മാറി നില്‍ക്കുന്നതാണ് ഉചിതമെന്നും തുഷാര്‍ പറഞ്ഞു. എന്‍ഡിഎയില്‍ അഭിപ്രായ ഭിന്നതയുണ്ടായോ എന്ന ചോദ്യത്തിന് മുന്നണിയയാല്‍ അഭിപ്രായ വ്യത്യാസങ്ങളുണ്ടാവുമെന്നായിരുന്നു തുഷാറിന്റെ മറുപടി. സംസ്ഥാനത്തെ ആറ് സീറ്റുകളില്‍ പാര്‍ട്ടിക്ക് വിജയസാധ്യതയുണ്ടെന്നും തുഷാര്‍ കൂട്ടിച്ചേര്‍ത്തു.

ബിജെപിയും കര്‍മ്മസമിതിയും യുവതീ പ്രവേശനത്തിന്റെ പേരില്‍ നടത്തിയ പ്രക്ഷോഭമാണ് ഇത്രയേറെ ജന പിന്തുണ ലഭിച്ചതെന്നതാണ് സത്യം. അന്ന് സുഖമായി കിടന്നുറങ്ങിയവരാണ് 6 സീറ്റില്‍ വിജയ സാധ്യതയെന്ന് പറയുന്നത്. എന്നാല്‍ ഇവരാകട്ടെ നേരത്തെ 8 സീറ്റാണ് ചോദിച്ചത്. അത് നടക്കില്ലെന്ന് കണ്ടതോടെയാണ് 6 ആക്കിയത്. ബലം പിടിച്ച് 5 ല്‍ എത്തിക്കാനാണ് ശ്രമം. എന്നാല്‍ 3ല്‍ കൂടുതല്‍ നല്‍കേണ്ടെന്നാണ് ബിജെപി കേന്ദ്ര നേതൃത്വത്തിന്റെ തീരുമാനം. ഒരിക്കലും വിശ്വസിക്കാന്‍ കഴിയാത്ത ഇവരെ ജയിപ്പിച്ച് വിടേണ്ട കാര്യമില്ലെന്നും ബിജെപി കരുതുന്നു.

നിന്ന നില്‍പ്പില്‍ കാലുമാറുന്ന വെള്ളാപ്പള്ളി & സണ്‍ തെരഞ്ഞെടുപ്പ് അടുത്തതോടെ എന്‍ഡിഎയ്ക്ക് തലവേദനാവകുയാണ്. ലോക്‌സഭാ തിരഞ്ഞെടുപ്പിനു മുന്നോടിയായി എന്‍.ഡി.എ.യില്‍ സീറ്റ് വിഭജന ചര്‍ച്ചകള്‍ക്കു തുടക്കമായപ്പോള്‍ കേരളത്തില്‍ എട്ട് സീറ്റ് വേണമെന്ന് ഘടകകക്ഷിയായ ബി.ഡി.ജെ.എസ്. ആവശ്യപ്പെട്ടത്. തിരഞ്ഞെടുപ്പു കാര്യങ്ങളാലോചിക്കാന്‍ എന്‍.ഡി.എ. യോഗം കൊച്ചിയില്‍ ചേരുന്നതിനു തൊട്ടുമുമ്ബാണ് ബി.ഡി.ജെ.എസ്. പ്രസിഡന്റ് തുഷാര്‍ വെള്ളാപ്പള്ളി, ബി.ജെ.പി. സംസ്ഥാന അധ്യക്ഷന്‍ പി.എസ്. ശ്രീധരന്‍പിള്ളയോട് ഇക്കാര്യം ആവശ്യപ്പെട്ടത്. അതാണിപ്പോള്‍ 6 ആക്കിയത്.

ആകെ 20 സീറ്റുള്ളതില്‍ 6 കൊടുത്താല്‍ മറ്റ് എന്‍ഡിഎ കക്ഷികള്‍ക്ക് എന്ത് കൊടുക്കും. മാത്രമല്ല ഇക്കൂട്ടരെ വിശ്വസിക്കാനേ കഴിയില്ല. ബിജെപിയുടെ ലേബലില്‍ ജയിച്ചാല്‍ വീണ്ടും കൂറുമാറില്ലെന്നാര് കണ്ടു. വനിതാ മതിലില്‍ ഇവരുടെ കാലുമാറ്റം വല്ലാതെ വേദനിപ്പിച്ചിരുന്നു. അതേസമയം ബിജെഡിഎസിന്റെ മനസിലിരിപ്പ് മോഡിയെ അറിയിക്കാനാണ് നീക്കം. വരുന്ന ലോക്‌സഭാ തെരഞ്ഞെടുപ്പ് മോഡിയ്ക്കും നിര്‍ണായകമായതിനാല്‍ ബിജെപിയുടെ ഓരോ സീറ്റും പ്രധാനമാണ്. അതിനാല്‍ തന്നെ വെള്ളാപ്പള്ളിമാരെ വാഗ്ദാനങ്ങള്‍ നല്‍കി പരമാവധി സീറ്റ് കുറയ്ക്കും.

കേരളത്തില്‍ ലോക്‌സഭാ തെഞ്ഞെടുപ്പില്‍ താമര വിരിയിപ്പിക്കാനുള്ള കഠിന പ്രയത്‌നത്തിലാണ് ബിജെപി കേന്ദ്ര നേതൃത്വം. തെരഞ്ഞെടുപ്പ് പ്രവചനത്തില്‍ കേരളത്തില്‍ ബിജെപി ഒരു സീറ്റ് നേടുമെന്ന് പറഞ്ഞത് ആവേശം കൂട്ടിയിട്ടുണ്ട്.

സാമ്ബത്തിക സംവരണത്തിലും ബിജെപിയ്‌ക്കെതിരെ എസ്എന്‍ഡിപി ശക്തമായ നിലപാടാണ് സ്വീകരിച്ചത്. സാമ്ബത്തിക സംവരണവുമായി ബിജെപി സര്‍ക്കാര്‍ മുന്നോട്ട് പോകുകയാണെങ്കില്‍ എന്‍ഡിഎയിലെ ഘടക കക്ഷിയായ ബിഡിജെഎസിന് അത് വലിയ തിരിച്ചടിയാകും. എസ്എന്‍ഡിപിയും കെപിഎംഎസും അടക്കമുള്ള പിന്നാക്ക ജാതിക്കാരുടെയും പട്ടികജാതിക്കാരുടേയും സംഘനകള്‍ക്ക് സാമ്ബത്തിക സംവരണത്തെ അംഗീകരിച്ച് മുന്നോട്ട് പോകാന്‍ കഴിയില്ല.

സാമ്ബത്തിക സംവരണത്തെ എതിര്‍ത്ത് എസ്എന്‍ഡിപി ജനറല്‍ സെക്രട്ടറി വെള്ളാപ്പള്ളി നടേശന്‍ രംഗത്തെത്തിക്കഴിഞ്ഞു. ഇതുകൂടി ചേര്‍ത്ത് വായിക്കുമ്‌ബോള്‍ മനസിലാകുന്നത് ബിഡിജെഎസ് മുന്നണിയില്‍ തുടരുന്നത് വലിയ പ്രതിസന്ധിയുണ്ടാക്കുമെന്നാണ്. ദലിതരുടെ ഗ്രൂപ്പായ കെപിഎംഎസും സാമ്ബത്തിക സംവരണത്തിനെതിരെ നിലപാടെടുക്കേണ്ടിവരുന്ന ഘടത്തിലാണ്. ഇതില്‍ എന്‍ഡിഎക്ക് വലിയ തിരിച്ചടി നേരിടേണ്ടിവരും എന്നും കരുതുന്നവരുണ്ട്. അതിന് പിന്നാലെയാണ് പാര്‍ലമെന്റ് തിരഞ്ഞെടുപ്പില്‍ 6 സീറ്റുകള്‍ വേണമെന്ന് ബിഡിജെഎസ് ആവശ്യപ്പെട്ടത്.