മത്സ്യത്തൊഴിലാളികള്‍ക്ക് പ്രത്യേക പദ്ധതികള്‍, കടലാക്രമണമുള്ള തീരത്ത് നിന്ന് മാറിത്താമസിക്കുന്നവര്‍ വീടിന് 10 ലക്ഷം രൂപ വീതം ലഭ്യമാക്കും. ഇവരുടെ പുനരധിവാസത്തിന് 100 കോടി. കേരഗ്രാമം പദ്ധതിക്ക് 43 കോടി, ലൈഫ് സയന്‍സ് പാര്‍ക്കിന് 20 കോടി, തോട്ടപ്പള്ളി സ്പില്‍വേ ആഴവും വീതിയും കൂട്ടാന്‍ 49 കോടി, ഓഖി പാക്കേജ് വിപുലീകരിക്കും, 1000 കോടി ചിലവിടും. കണ്ണൂര്‍ എയര്‍പോര്‍ട്ടിനോടനുബന്ധിച്ച് വ്യവസായ നിക്ഷേപ പദ്ധതി. കുരുമുളക് കൃഷിക്ക് 10 കോടി, 1000 കോടി രൂപയുടെ രണ്ടാം കുട്ടനാട് പാക്കേജ്. കൊച്ചയില്‍ അമരാവതി മാതൃകയില്‍ ടൗണ്‍ഷിപ്പുകള്‍, കണ്ണൂരില്‍ വ്യവസായ നിക്ഷേപ പദ്ധതി, മലബാര്‍ എന്ന പേരില്‍ വയനാട്ടിലെ കാപ്പി വിപണിയില്‍ എത്തിക്കും. ആലപ്പുഴ പുളിങ്കുന്നില്‍ ഹെലിക്കോപ്റ്റര്‍ ഇറങ്ങാവുന്ന സൗകര്യത്തോടു കൂടിയ ആശുപത്രിക്ക് 150 കോടി

സ്റ്റാര്‍ട്അപ് സംരഭങ്ങള്‍ പ്രോല്‍സാഹിപ്പിക്കാന്‍ 700 കോടി രൂപ. നവകേരള നിര്‍മ്മാണത്തിന് 25 പദ്ധതികള്‍. കിഫ്ബി, റീബില്‍ഡ് പദ്ധതി എന്നിവയുമായി ബന്ധപ്പെടുത്തിയാണ് പദ്ധതികള്‍ സംഘടിപ്പിക്കുക. ദുരിതാശ്വാസ നിധിയില്‍ നിന്ന് 1131 കോടി രൂപ ചിലവാക്കി. പ്രളയ ബാധിത പഞ്ചായത്തുകള്‍ക്ക് 250 കോടി. പ്രവാസികള്‍ക്ക് നാടുമായുള്ള ബന്ധം മെച്ചപ്പെടുത്തുന്നതിനും നിക്ഷേപങ്ങള്‍ വര്‍ദ്ധിപ്പിക്കുന്നതിനും വഴിത്തിരിവായിരുന്നു ലോക കേരളസഭ. ഇതിന്റെ തുടര്‍ പ്രവര്‍ത്തനത്തിന് 81 കോടി വകയിരുത്തി. ഒരുലക്ഷം താഴെ വരുമാനമുള്ള തിരിച്ച് വരുന്ന പ്രവാസികള്‍ക്ക് സഹായം നല്‍കുന്ന സാന്ത്വനം പദ്ധതിയ്ക്ക് വേണ്ടി 25 കോടി. ലോക കേരള സഭ, ആഗോള പ്രവാസി ഫെസ്റ്റ് എന്നിവയ്ക്ക് വേണ്ടി 5 കോടി വീതം വകയിരുത്തി. പ്രവാസി നിക്ഷേപം കിഫ്ബി പോലുള്ള പദ്ധതികളില്‍ മുടക്കി എല്ലാ മാസവും ലാഭവിഹിതം നല്‍കും, ക്ഷേമപദ്ധതി കൂടി ഇതില്‍ ലയിപ്പിക്കാനും പദ്ധതിയുണ്ട്

പ്രവാസി ചിട്ടിയില്‍ നിന്നും ലഭിക്കുന്ന വരുമാനം കിഫ്ബി ബോണ്ടില്‍ നിക്ഷേപിക്കും. ചിറ്റാളന്മാര്‍ക്ക് ഏത് കിഫ്ബി പദ്ധതിയില്‍ ഇവ നിക്ഷേപിക്കണമെന്ന് നിര്‍ദ്ദേശിക്കാം. ഇപ്പോള്‍ യു.എ.ഇയില്‍ മാത്രം ലഭ്യമായ പ്രവാസി ചിട്ടി ഫെബ്രുവരിയില്‍ മറ്റ് ഗള്‍ഫ് രാജ്യങ്ങളിലേക്ക് കൂടി വ്യാപിപ്പിക്കും. ഉടന്‍ തന്നെ ഇത് എല്ലാ രാജ്യങ്ങളിലേക്കും വ്യാപിപ്പിക്കും. മാവേലിക്കരയില്‍ ലോക കേരളാ മാതൃകാ കേനദ്്രം സ്ഥാപിക്കും. ചങ്ങനാശേരി കനാലിന്റെ നവീകരണത്തിന് 40 കോടി നീക്കിവെച്ചു. ന്യൂനപക്ഷക്ഷേമത്തിന് 49 കോടി വകയിരുത്തി. ആരോഗ്യസര്‍വകലാശാലയ്ക്ക് 20 കോടി, ഐ.ടി.ഐകളുടെ നവീകരണത്തിന് 1500 കോടി. വീടുകഴിലെ പഴയ ബള്‍ബുകള്‍ തിരികെ വാങ്ങി എല്‍ഇ.ഡി ബള്‍ബുകള്‍ നല്‍കുമെന്നും ധനമന്ത്രി അവതരിപ്പിച്ച ബജറ്റില്‍ പറയുന്നു. അയ്യങ്കാളി തൊഴിലുറപ്പ് പദ്ധതിക്ക് 75 കോടിയും മത്സത്തൊഴിലാളികള്‍ക്ക് പലിശരഹിത വായ്പ്പയും അനുവദിക്കും. പൊതുവിദ്യാഭ്യാസത്തിന് 992 കോടിയും സര്‍വ്വകലാശാലകള്‍ക്ക് 1500 കോടിയും അനുവദിച്ചു.