ഗാന്ധിവധം പുനരാവിഷ്കരിച്ച് ആഘോഷമാക്കി മാറ്റിയത് കപടഹിന്ദുത്വവാദികളുടെ പ്രവര്ത്തനം; സംഭവത്തെ അപലപിച്ച് ബി.ജെ.പി അദ്ധ്യക്ഷന് പി. എസ്. ശ്രീധരന്പിള്ള
രക്തസാക്ഷി ദിനത്തില് ഗാന്ധിജിയുടെ കോലത്തിന് നേരെ പ്രതീകാത്മകമായി വെടിയുതിര്ത്ത സംഭവത്തെ അപലപിച്ച് ബി.ജെ.പി കേരള ഘടകം. രാഷ്ട്രപിതാവ് മഹാത്മാ ഗാന്ധിയുടെ രക്തസാക്ഷി ദിനത്തില് അതിഹീനമായ രീതിയില് ഗാന്ധിവധം പുനരാവിഷ്കരിച്ച് ആഘോഷമാക്കിയ നടപടിയെ ശക്തമായി അപലപിക്കുന്നതായി ബി.ജെ.പി സംസ്ഥാന അദ്ധ്യക്ഷന് പി. എസ്. ശ്രീധരന്പിള്ള വാര്ത്താ കുറിപ്പില് വ്യക്തമാക്കി.
ഇന്നും എന്നും രാഷ്ട്രം കണ്ണീരോടെ ഓര്ക്കുന്ന ഗാന്ധിവധം ഒരുവിഭാഗം സാമൂഹ്യവിരുദ്ധര് അലിഗഡില് ആഘോഷമാക്കിയത് ആരെയും ഞെട്ടിപ്പിക്കുന്നതാണ്. ഭാരതത്തിന്റെ സ്വാതന്ത്ര്യസമര പോരാട്ടങ്ങളില് ഗാന്ധിജിയുടെ സംഭാവനകളെ രാജ്യം മുഴുവന് എക്കാലവും പ്രകീര്ത്തിക്കും.
ഗാന്ധിജിയുടെ ദര്ശനങ്ങളും ചിന്തകളും എക്കാലവും ഭാരതീയര്ക്ക് മാര്ഗ നിര്ദ്ദേശകവും ആയിരിക്കും. ഗാന്ധിവധം പുനരാവിഷ്കരിച്ച് ആഘോഷമാക്കി മാറ്റാനുള്ള കപടഹിന്ദുത്വവാദികളുടെ പ്രവര്ത്തനങ്ങള് ദേശീയ ശക്തികളെ ദുര്ബലപ്പെടുത്താനും കരി തേച്ച് കാണിക്കാനും മാത്രമേ സഹായിക്കുകയുള്ളുവെന്നും ശ്രീധരന്പിള്ള പറഞ്ഞു.
ഒരിക്കലും മാപ്പര്ഹിക്കാത്ത മഹാപാതകം ആയിരുന്നു മഹാത്മജിയുടെ വധം. ഗാന്ധിവധം ആഘോഷിക്കുന്നവര് ആരായാലും വികലമായ മനസിന്റെയും മസ്തിഷ്കത്തിന്റെയും ഉടമകളാണെന്നും ശ്രീധരന്പിള്ള അഭിപ്രായപ്പെട്ടു. ഹിന്ദു മഹാസഭാ ദേശീയ സെക്രട്ടറി പൂജ ശകുന് പാണ്ഡെയാണ് ഗാന്ധിയുടെ കോലത്തില് പ്രതീകാത്മകമായി വെടിയുതിര്ക്കുകയും കോലത്തില് നിന്ന് ചോര ഒഴുകുന്നതായി പ്രദര്ശിപ്പിക്കുകയും ചെയ്തത്.
അലിഗഡില് സംഘടിപ്പിച്ച ചടങ്ങിലാണ് ഹിന്ദുമഹാസഭ ദേശീയ സെക്രട്ടറി പ്രകോപനപരമായി പെരുമാറിയത്. ഇതിന് പുറകേ ഗാന്ധിയുടെ ഘാതകന് നാഥുറാം ഗോഡ്സെയുടെ പ്രതിമയില് ഹാരാര്പ്പണവും നടത്തി. ഹിന്ദു മഹാസഭ പ്രവര്ത്തകര് ഗോഡ്സെക്ക് മുദ്രാവാക്യം വിളിക്കുന്ന ദൃശ്യങ്ങളും പുറത്ത് വന്നിരുന്നു. സംഭവത്തില് 13 പേര്ക്കെതിരെ കേസെടുക്കുകയും മൂന്ന് പേരെ അറസ്റ്റ് ചെയ്യുകയും ചെയ്തതായി നേരത്തെ പൊലീസ് അറിയിച്ചിരുന്നു.
https://www.facebook.com/Malayalivartha
