പെരുവെമ്പ് കിണാശ്ശേരിയില്‍ അഗ്രോ ഫുഡ് പ്രോഡക്ട്‌സ് മില്ലില്‍ നിന്നും 400 ക്വിന്റല്‍ റേഷനരി സപ്ലൈഓഫീസ് അധികൃതര്‍ പിടികൂടി. രഹസ്യ വിവരത്തെ തുടര്‍ന്നാണ് സപ്ലൈ ഓഫീസ് അധികൃതര്‍ വെള്ളിയാഴ്ച രാവിലെ മിന്നല്‍ റെയ്ഡ് നടത്തിയത്.
യാതൊരു രേഖകളുമില്ലാത്ത 400 ക്വിന്റല്‍ റേഷനരിയാണ് മില്ലില്‍നിന്ന് കണ്ടെടുത്തത്. എഫ്.സി.ഐ. മുദ്രയുള്ള അരിച്ചാക്ക് ലോറിയില്‍നിന്ന് മില്ലിലേക്ക് മാറ്റുന്നവേളയിലാണ് പിടികൂടിയത്. ലോറിയില്‍നിന്ന് ഇറക്കിയ ലോഡിനുപുറമെ 180 ചാക്കുകളിലായും കൂടാതെ കൂമ്പാരമായും റേഷനരി മില്ലില്‍ സൂക്ഷിച്ചിരുന്നതായി ജില്ലാ സപ്ലൈ ഓഫീസര്‍ പറഞ്ഞു. ആകെ 294 ചാക്ക് റേഷനരിയാണ് മില്ലില്‍നിന്ന് അധികൃതര്‍ പിടികൂടിയത്.
റേഷനരി എവിടെനിന്ന് എത്തിയെന്ന വിവരം ലഭിച്ചിട്ടില്ലെന്ന് അധികൃതര്‍ പറഞ്ഞു. ശനിയാഴ്ച രാവിലെയോടുകൂടി റെയ്ഡ് നടപടി പൂര്‍ത്തിയാകും. പിടികൂടിയ അരി പാലക്കാട് ഡിപ്പോയില്‍ സൂക്ഷിക്കും.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha