മൂന്നാര് അഹങ്കാരത്തോടെ അടക്കിവാണിരുന്ന എസ്.രാജേന്ദ്രന് എം.എല്.എയ്ക്ക് അവസാനം എട്ടിന്റെ പണി, ദേവികുളം സബ്കളക്ടര് ഡോ. രേണുരാജിനെ അധിക്ഷേപിച്ച സംഭവത്തില് സി.പി.എം എം.എല്.എയ്ക്കെതിരെ അച്ചടക്ക നടപടി സ്വീകരിച്ചതായി കോടിയേരി
മൂന്നാര് അഹങ്കാരത്തോടെ അടക്കിവാണിരുന്ന എസ്.രാജേന്ദ്രന് എം.എല്.എയ്ക്ക് അവസാനം എട്ടിന്റെ പണി. ദേവികുളം സബ്കളക്ടര് ഡോ. രേണുരാജിനെ അധിക്ഷേപിച്ച സംഭവത്തില് സി.പി.എം എം.എല്.എയ്ക്കെതിരെ അച്ചടക്ക നടപടി സ്വീകരിച്ചതായി സംസ്ഥാന സെക്രട്ടറി കോടിയേരി ബാലകൃഷ്ണന് വ്യക്തമാക്കി. പാര്ട്ടി ശാസനയാണ് അദ്ദേഹത്തിന് നല്കിയത്. പാര്ട്ടി ഭരണഘടനാ പ്രകാരമുള്ള അച്ചടക്ക നടപടികളില് രണ്ടാമത്തേതാണിത്. പരസ്യപ്രതികരണങ്ങള് നടത്തരുതെന്ന് എം.എല്.എയക്ക് വിലക്കും ഏര്പ്പെടുത്തി. രാജേന്ദ്രന് കോടതി അലക്ഷ്യം നടത്തിയെന്ന് സര്ക്കാര് ഹൈക്കോടതിയില് നിലപാട് സ്വീകരിച്ചതിന് പിന്നാലെയാണ് പാര്ട്ടിയില് നിന്നും പ്രഹരം ഉണ്ടായത്. ഇതോടെ എല്ലാവിധത്തലും ഒറ്റപ്പെട്ട അവസ്ഥയിലായി മൂന്നാറിലെ സിംഹം. വലംകയ്യായ മന്ത്രി എം.എം മണിയാകട്ടെ ഇതുവരെ രാജേന്ദ്രനെ പിന്തുണയ്ക്കാന് തയ്യാറായിട്ടില്ല എന്നും ശ്രദ്ധേയമാണ്.
എം.എല്.എമാര് നിയമം പാലിക്കാന് ബാധ്യസ്ഥരാണ്, പകരം നിയമം നടപ്പാക്കാനെത്തിയ ഉദ്യോഗസ്ഥരെ ഭീഷണിപ്പെടുത്തുന്ന നിലപാട് ശരിയല്ലെന്നും കോടിയേരി പറഞ്ഞു. അതുകൊണ്ട് രാജേന്ദ്രന്റെ നിലപാട് പാര്ട്ടി പരസ്യമായി തള്ളിയതെന്നും കോടിയേരി പറഞ്ഞു. സി.പി.എമ്മില് ആറ് തരത്തിലുള്ള അച്ചടക്ക നടപടികളാണ് പാര്ട്ടി ഭരണഘടന നിര്ദേശിക്കുന്നത്: 1. താക്കീത് 2. ശാസന (സെന്ഷര്) 3. പരസ്യ ശാസന 4. പാര്ട്ടിയില് വഹിക്കുന്ന സ്ഥാനത്തുനിന്ന് നീക്കല് 5. ഒരു കൊല്ലത്തില് കവിയാത്ത ഏതെങ്കിലും കാലയളവിലേക്ക്? പൂര്ണ അംഗത്വം സസ്പെന്ഡ് ചെയ്യല് 6. പാര്ട്ടിയില് നിന്ന് പുറന്തള്ളല്. പരസ്യശാസന അല്ലെങ്കില് സെന്ഷര് അതാണ് രാജേന്ദ്രനെതിരെ പാര്ട്ടി എടുത്തിരിക്കുന്നത്. മുമ്പ് വി.എസിനെതിരെയും ഇതേ നടപടി പാര്ട്ടി എടുത്തിരുന്നു.
ലിംഗസമത്വത്തിനും ലിംഗ നീതിയ്ക്കും വേണ്ടി വനിതാ മതില് തീര്ത്ത പാര്ട്ടിയുടെ എം.എല്.എ നിയമം നടപ്പാക്കാനെത്തിയ ഉദ്യോഗസ്ഥയെ അപമാനിച്ചത് ഒരുതരത്തിലും അംഗീകരിക്കാനാവില്ലെന്നും സി.പി.എം നിലപാട് എടുത്തു. അതിനും മുമ്പ് രാജേന്ദ്രന് കോടതി അലക്ഷ്യം നടത്തിയെന്ന് ഹൈക്കോടതിയെ അറിയിക്കുകയും ചെയ്തു. മൂന്നാറില് റിസോര്ട്ടുകാര്ക്കും ഭൂമികയ്യേറ്റക്കാര്ക്കും കൂട്ട് നിന്ന് സി.പി.എമ്മിന് വലിയ രീതീയിലുള്ള ഫണ്ട് സമാഹരിച്ചിരുന്നവരില് പ്രമുഖനാണ് എസ്.രാജേന്ദ്രന്. അതുകൊണ്ടാണ് സബ്കളക്ടര് ശ്രീറാംവെങ്കിട്ടരാമിനെതിരെ തിരിഞ്ഞ രാജേന്ദ്രനെ പാര്ട്ടി പിന്തുണയ്ക്കുകയും ശ്രീറാമിനെ പുകച്ച് പുറത്ത് ചാടിക്കുകയും ചെയ്തത്. മൂന്നാറിലെ അനധികൃത നിര്മാണങ്ങള്ക്കെതിരെ സി.പി.ഐയും അവരുടെ റവന്യൂമന്ത്രിയും ഉറഞ്ഞുതുള്ളിയപ്പോഴും സി.പി.എം രാജേന്ദ്രനും എം.എം മണിക്കും ഒപ്പം നിന്നിരുന്നു. എന്നാല് കരുത്തയായൊരു സ്ത്രീ വന്നപ്പോള് രാജേന്ദ്രന് അടിപതറി.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
