ഉത്തരാഖണ്ഡിൽ മഴ നിർത്താതെ പെയ്യുന്ന സാഹചര്യത്തിൽ ഓറഞ്ച് അലർട് പ്രഖ്യാപിച്ച് ഇന്ത്യൻ കാലാവസ്ഥ വകുപ്പ്. നൈനിറ്റാൾ, ബാഗേശ്വർ ജില്ലകളിലാണ് ഓറഞ്ച് അലർട്. അതിശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ പ്രവചനമുള്ളത്.

കാലവർഷം ആരംഭിച്ച് വെറും 48 മണിക്കൂറിനുള്ളിലാണ് ഉത്തരാഖണ്ഡിൽ കനത്ത പ്രകൃതിക്ഷോഭവും നാശനഷ്ടവുമുണ്ടായത്. ജൂൺ 30 ന് ഉത്തരാഖണ്ഡിൽ മൺസൂൺ എത്തുകയും ബുധനാഴ്ചയോടെ മഴ ശക്തിപ്രാപിക്കുകയും ചെയ്തു.ഡെറാഡൂൺ ആസ്ഥാനമായുള്ള കാലാവസ്ഥാ കേന്ദ്രത്തിന്റെ കണക്കനുസരിച്ച് വ്യാഴാഴ്ച വിവിധ പ്രദേശങ്ങളിൽ മിതമായ രീതിയിലുള്ള മഴ ലഭിക്കുകയും ചെയ്തു.

പ്രകൃതിക്ഷോഭത്തിന് സാധ്യതയുള്ളതിനാൽ നദീതീരങ്ങളിൽ താമസിക്കുന്നവരോട് അതീവ ജാഗ്രത പാലിക്കാൻ നിർദേശം നൽകി അധികൃതർ.