ശരണബാല്യം: മൂന്ന് മാസത്തിനുളളില് രക്ഷപ്പെടുത്തിയത് 35 കുട്ടികളെ... ബാലവേലയ്ക്കും ഭിക്ഷാടനത്തിനും കുട്ടികളെ ഉപയോഗിക്കുന്നവര്ക്കെതിരെ കര്ശന നടപടി: മന്ത്രി കെ.കെ. ശൈലജ ടീച്ചര്
കുട്ടികളെ ബാലവേലയ്ക്കും ഭിക്ഷാടനത്തിനും മറ്റ് തരത്തിലുളള ചൂഷണത്തിനായും ഉപയോഗിക്കുന്നതിനെതിരെ കര്ശന നടപടി സ്വീകരിക്കുമെന്ന് ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര്. ബാലവേലബാലഭിക്ഷാടനബാലചൂഷണതെരുവ് ബാല്യ വിമുക്ത കേരളത്തിനായി വനിതാ ശിശു വികസന വകുപ്പ് നടപ്പിലാക്കുന്ന ശരണബാല്യം പദ്ധതി മുഖേന കഴിഞ്ഞ മൂന്ന് മാസത്തിനുളളില് 35 കുട്ടികളെയാണ് മോചിപ്പിച്ചത്. ഇതില് 19 കുട്ടികള് ഇതര സംസ്ഥാന കുട്ടികളാണ്. മോചിപ്പിച്ച എല്ലാ കുട്ടികളെയും ബന്ധപ്പെട്ട ചൈല്ഡ് വെല്ഫയര് കമ്മിറ്റി മുന്പാകെ ഹാജരാക്കി പുനഃരധിവാസത്തിനുളള നടപടികള് സ്വീകരിച്ചിട്ടുണ്ട്. ഇതുമായി ബന്ധപ്പെട്ട് അഞ്ച് എഫ്.ഐ.ആര്. രജിസ്റ്റര് ചെയ്തു. സുരക്ഷിതമല്ലാത്ത ജീവിത സാഹചര്യങ്ങളില് ജീവിക്കുന്നവരും മദ്യം, മറ്റ് ലഹരി പദാര്ത്ഥങ്ങള് എന്നിവ ഉപയോഗിക്കുന്ന കുട്ടികളെയും കണ്ടെത്തി സുരക്ഷിതമാക്കുന്നതിനുളള നടപടി സ്വീകരിച്ചിട്ടുണ്ട്. ശരണബാല്യം പദ്ധതി പ്രകാരം സംസ്ഥാനത്ത് ഏഴു ജില്ലകളില് റെസ്ക്യൂ ഓഫീസര്മാരെ നിയമിച്ചിട്ടുണ്ട്. മറ്റ് ജില്ലകളില് കൂടി ഓഫീസര്മാരെ നിയമിക്കുന്നതിനുളള നടപടികള് സ്വീകരിച്ചിട്ടുണ്ടെന്നും മന്ത്രി വ്യക്തമാക്കി.
സ്കൂളുകളില് നിന്ന് കൊഴിഞ്ഞ് പോകുന്ന കുട്ടികളെ വിദ്യാഭ്യാസവകുപ്പിന്റെ സഹായത്തോടുകൂടി കണ്ടെത്തി അവരുടെ അഭിരുചിക്ക് അനുസൃതമായി നൈപുണ്യ പരിശീലനം നല്കുന്നതിനുളള നടപടി സ്വീകരിക്കുന്നതാണ്. കുട്ടികള്ക്ക് ലഹരി പദാര്ത്ഥങ്ങള് ലഭ്യമാക്കുന്നത് തടയുന്നതിനായി പഞ്ചായത്ത്മുന്സിപ്പാലിറ്റികോര്പ്പറേഷന്തല ചൈല്ഡ് പ്രൊട്ടക്ഷന് കമ്മിറ്റിയുടെ മേല്നോട്ടത്തില് ടാസ്ക് ഫോഴ്സുകള് രൂപീകരിച്ച് തുടര്ച്ചയായ പരിശോധനകള് നടത്തുന്നതിനും ലഹരി പദാര്ത്ഥങ്ങള് കുട്ടികള്ക്ക് ലഭ്യമാക്കുന്നവര്ക്കെതിരെ ബാലനീതി നിയമ പ്രകാരം നിയമ നടപടി സ്വീകരിക്കുന്നതിനും തീരുമാനിച്ചിട്ടുണ്ട്.
"
https://www.facebook.com/Malayalivartha
