ഹൈവേ പോലീസില് പണക്കൊതിയന്മാരും മടിയന്മാരും ... സംസ്ഥാനത്തെ ഹൈവേ പോലീസ് വാഹനങ്ങളില് വിജിലന്സിന്റെ മിന്നല് പരിശോധന...
സംസ്ഥാനത്തെ ഹൈവേ പോലീസ് വാഹനങ്ങളില് വിജിലന്സ് ഇന്നലെ പുലര്ച്ചെ മിന്നല് പരിശോധന നടത്തി. നിരവധി ഹൈവേ വാഹനങ്ങളില് നിന്നും കണക്കില്പ്പെടാത്ത പണം പിടിച്ചെടുത്തു.ചില ഹൈവേ പെട്രോള് വാഹനങ്ങളിലെ ഉദ്യോഗസ്ഥര് ഹൈവേയില് നിന്നും ഇടറോഡുകളിലേക്ക് വാഹനങ്ങള് മാറ്റിയിട്ട് ഉറങ്ങുന്നതായും വിജിലന്സ് കണ്ടെത്തി.
തിരുവനന്തപുരം ജില്ലയിലെ നെയ്യാറ്റിന്കരയില് പട്രോളിങ് നടത്തിയിരുന്ന വാഹനത്തിന്റെ ഡ്രൈവര് വിജിലന്സ് സംഘത്തെ കണ്ടയുടന് വാഹനവുമായി കടന്നുകളഞ്ഞു. പിന്നീട് വിജിലന്സ് സംഘം വിളിച്ച് വരുത്തി വാഹനം പരിശോധിച്ചെങ്കിലും ഒന്നും കണ്ടെത്താനായില്ല.
തൃശ്ശൂര് ജില്ലയിലെ വടക്കാഞ്ചേരിയില് പട്രോള് നടത്തുന്ന വാഹനത്തിലെ സബ് ഇന്സ്പെക്ടറെ മദ്യപിച്ച നിലയില് വിജിലന്സ് കണ്ടെത്തി.സംസ്ഥാനത്തെ ഹൈവേ പോലീസ് വാഹനങ്ങളിലെ ഉദ്യോഗസ്ഥര് രാത്രികാലങ്ങളില് ഭാരം കയറ്റിവരുന്ന വാഹനങ്ങളെ തടഞ്ഞുനിര്ത്തി പണം പിരിക്കുന്നുവെന്ന വിവരത്തിന്റെ അടിസ്ഥാനത്തിലായിരുന്നു പരിശോധന നടത്തിയത്.
https://www.facebook.com/Malayalivartha
