സ്നേഹത്തിന്റെ ഒരൊറ്റ വാക്കുകൊണ്ട് ഒരു മനുഷ്യജീവനെ മരണത്തിൽ നിന്നും തിരികെ പിടിച്ച ഹൃദയസ്പർശിയായ വാർത്തയാണ് ഇടുക്കി തടിയമ്പാട് നിന്നും പുറത്തുവരുന്നത്. കുടുംബവഴക്കിനെ തുടർന്ന് കഴുത്തിൽ കുരുക്കിട്ട് ആത്മഹത്യയ്ക്ക് ശ്രമിച്ച വർഗീസ് എന്ന മധ്യവയസ്കനെയാണ്, തടിയമ്പാട് സ്റ്റേഷനിൽ പുതിയതായി ചാർജെടുത്ത എസ്.ഐ ടി.ബി. ബിബിൻ സമയോചിതമായി രക്ഷപെടുത്തിയത്. വാതിൽ ബലമായി തകർക്കാതെ, ജനലിലൂടെ 40 മിനിറ്റോളം അതീവ ശാന്തതയോടെ സംസാരിച്ച് വർഗീസിന്റെ മനസ്സ് മാറ്റാൻ പോലീസിന് സാധിച്ചു. യൂണിഫോമിന്റെ കാർക്കശ്യത്തിനപ്പുറം കാരുണ്യത്തിന്റെ മുഖമായി മാറിയ ഇടുക്കി പോലീസിന്റെ ഈ രക്ഷാപ്രവർത്തനത്തിന്റെ ദൃശ്യങ്ങൾ ഇപ്പോൾ സോഷ്യൽ മീഡിയയിൽ വൈറലാണ്...