ദുര്ബല വിഭാഗങ്ങളുടെ ഉയര്ച്ചക്ക് സംസ്ഥാന സര്ക്കാര് നല്കുന്ന സഹായങ്ങള് ശ്ലാഘനീയമാണെന്നും സംസ്ഥാന സര്ക്കാരിന്റെ ഇത്രയും വലിയ പരിപാടിയില് പങ്കെടുക്കാന് കഴിഞ്ഞതില് അഭിമാനവും സന്തോഷവുമുണ്ടെന്നും നടി മഞ്ജു വാര്യര്
സംസ്ഥാന സര്ക്കാരിന്റെ ഇത്രയും വലിയ പരിപാടിയില് പങ്കെടുക്കാന് കഴിഞ്ഞതില് അഭിമാനവും സന്തോഷവുമുണ്ടെന്ന് നടി മഞ്ജു വാര്യര്. ദുര്ബല വിഭാഗങ്ങളുടെ ഉയര്ച്ചക്ക് സംസ്ഥാന സര്ക്കാര് നല്കുന്ന സഹായങ്ങള് ശ്ലാഘനീയമാണെന്നും മഞ്ജു വാര്യര് പറഞ്ഞു. പട്ടികജാതി വിദ്യാര്ഥികള്ക്ക് സര്ക്കാരിന്റെ വിദ്യാഭ്യാസ പുരസ്കാരം സമ്മാനിക്കുന്ന ചടങ്ങില് സംസാരിക്കുകയായിരുന്നു പ്രിയതാരം. പട്ടികജാതി വിഭാഗക്കാരായ കുട്ടികളുടെ പഠനം മുന്നോട്ടുകൊണ്ടുപോകുന്നതില് സംസ്ഥാന സര്ക്കാര് വലിയ പങ്കാണ് വഹിക്കുന്നത്.
കുട്ടികളും മികച്ച രീതിയില് ഇത് വിനിയോഗിക്കുന്നു. ഇതിന്റെ ഫലമാണ് ഇത്രയും കുട്ടികള്ക്ക് മികച്ചവിജയം. ഇതിന് സാക്ഷിയാകാന് കഴിഞ്ഞതില് ഏറെ സന്തോഷം. കുട്ടികളുടെ മനസ്സില് ഊര്ജവും നന്മയും നിലനിര്ത്തണം. സമൂഹത്തിന്റെ നന്മക്കായി അത് വിനിയോഗിക്കണമെന്നും മഞ്ജു പറഞ്ഞു. സ്വര്ണമെഡല് നല്കുന്ന ചടങ്ങില് പങ്കെടുക്കാന് മന്ത്രി എ കെ ബാലന് നേരത്തേ ക്ഷണിച്ചിരുന്നു.
ഈ ദിവസം ഷൂട്ടിങ്ങിന് തീയതി നല്കിയതിനാല് വരാന് കഴിയുമായിരുന്നില്ല. എന്നാല് നിശ്ചിത ഷൂട്ടിങ് വെള്ളിയാഴ്ച പൂര്ത്തിയായി. ശനിയാഴ്ച രാവിലെയാണ് ചെന്നൈയില്നിന്ന് തൃശൂരിലെത്തിയത്. വീട്ടിലെത്തിയ ഉടന് മന്ത്രിയുടെ പ്രത്യേകം ക്ഷണം സ്വീകരിച്ച് ചടങ്ങില് പങ്കെടുക്കാനെത്തുകയായിരുന്നു.
https://www.facebook.com/Malayalivartha
