പാലച്ചുവടില് റോഡരികില് മരിച്ച നിലയില് കണ്ടെത്തിയ വെണ്ണല ചക്കരപ്പറമ്പ് സ്വദേശി ജിബിനെ കൊലപ്പെടുത്തിയത് സദാചാര ഗുണ്ടകൾ; അനാശാസ്യം ആരോപിച്ച് പിടികൂടിയ ജിബിനെ ബോധരഹിതനാകുന്നവരെ ക്രൂരമായി മർദ്ദിച്ച ആൾക്കൂട്ടം വഴിയരികിൽ ഉപേക്ഷിച്ച് കടന്നുകളഞ്ഞു- പ്രദേശവാസികളായ 13 പേർക്കെതിരെ കേസ്
എറണാകുളം പാലച്ചുവടില് റോഡരികില് യുവാവിനെ മരിച്ച നിലയില് കണ്ടെത്തിയ സംഭവം സാദാചാരക്കൊലയെന്ന് പൊലീസ്. അനാശാസ്യം ആരോപിച്ച് യുവാവിനെ ആള്ക്കൂട്ടം മര്ദ്ദിക്കുകയായിരുന്നുവെന്നും ഈ മര്ദ്ദനത്തിനിടെ യുവാവ് കൊല്ലപ്പടുകയായിരുന്നുവെന്നുമാണ് പൊലീസ് പറയുന്നത്. വെണ്ണല ചക്കരപ്പറമ്ബ് സ്വദേശി ജിബിന് ടി വര്ഗ്ഗീസിനെയാണ് ശനിയാഴ്ച്ച പുലര്ച്ചെ നാലരയോടെ റോഡരികില് മരിച്ച നിലയില് കണ്ടെത്തിയത്.
സംഭവത്തില് പ്രദേശവാസികളായ 13 പേരെ പ്രതികളാക്കി പൊലീസ് കേസെടുത്തിട്ടുണ്ട്. ഇവരില് നാല് പേര് നിലവില് പൊലീസ് കസ്റ്റഡിയിലുണ്ട്. ഇവരുടെ അറസ്റ്റ് വൈകുന്നേരത്തോടെ രേഖപ്പെടുത്തും. സംഭവത്തില് പങ്കുള്ള മറ്റുള്ളവരെ തിരിച്ചറിഞ്ഞ ശേഷം അവരേയും അറസ്റ്റ് ചെയ്യുമെന്ന് പൊലീസ് അറിയിച്ചു.
അനാശാസ്യം ആരോപിച്ച് പിടികൂടിയ യുവാവിനെ ആള്ക്കൂട്ടം യുവാവിനെ മര്ദ്ദിക്കുകയും പിന്നീട് ഇയാള് ബോധരഹിതനായപ്പോള് റോഡില് ഉപേക്ഷിക്കുകയുമായിരുന്നുവെന്നുമാണ് പൊലീസിന്റെ നിഗമനം. പ്രാഥമിക പരിശോധനയില് ജിബിന് മര്ദ്ദനമേറ്റതായി പൊലീസിന് മനസ്സിലായിരുന്നു. തലയിലേറ്റ മുറിവ് വാഹനാപകടത്തിലുണ്ടായതല്ലെന്നും പൊലീസ് മനസിലാക്കിയിരുന്നു.
https://www.facebook.com/Malayalivartha
