കഴിഞ്ഞ ദിവസം തലസ്ഥാന നഗരിയിൽ വാഹന പരിശോധനക്കിടെ ഗ്രേഡ് എസ് ഐയെ ഇടിച്ചിട്ടതിന് കസ്റ്റഡിയിലെടുത്ത പ്രതിയെ ഡിവൈഎഫ്ഐ പ്രവർത്തകർ സ്റ്റേഷൻ ഉപരോധിച്ച് മോചിപ്പിച്ചു. പ്രതിയായ പ്രദീപ് എന്ന യുവാവിന് വേണ്ടിയാണ് ഡിവൈഎഫ്ഐ പ്രവർത്തകർ സ്റ്റേഷൻ ഉപരോധിച്ചത്. ഇന്നലെ രാത്രിയാണ് സംഭവം അരങ്ങേറുന്നത്.

അമിത വേഗതയില്‍ വാഹനമോടിച്ചെത്തിയ പ്രദീപ് വാഹന പരിശോധനയുമായി സഹകരിച്ചിരുന്നില്ല. തുടർന്ന് വാഹനം നിര്‍ത്താതെ പോയതിനു പ്രദീപിന്റെ വാഹനം പൊലീസുകാര്‍ തടയുകയും പ്രതിയെ പോലീസ് കസ്റ്റഡിയിലെടുക്കുകയും ചെയ്തു. ഇതിനെതിരെയാണ് ഡിവൈഎഫ്ഐ പ്രവർത്തകർ സ്റ്റേഷൻ ഉപരോധിച്ചത്. അതേസമയം, ഉന്നത ഉദ്യോഗസ്ഥർ ഇടപെട്ട് പരിക്കേറ്റ എസ് ഐ ശൈലേന്ദ്രനെ പരാതിയിൽ നിന്നും പിന്തിരിപ്പിച്ചെന്നും ആരോപണമുണ്ട്. പ്രതിയെ സ്റ്റേഷൻ ജാമ്യത്തിൽ വിട്ടയച്ചു.

.