കൊച്ചി വിമാനത്താവളത്തിലെ ആഭ്യന്തര ടെര്മിനലായ ടി1 പൂര്ണ സജ്ജമാകുന്നു... വ്യാഴാഴ്ച ഉച്ചയ്ക്ക് ഒരുമണിയ്ക്ക് ശേഷം പുറപ്പെടുന്ന വിമാനങ്ങളില് പോകേണ്ട യാത്രക്കാര് ഒന്നാം ടെര്മിനലില് ചെക്ക്ഇന് ചെയ്യണം
കൊച്ചി വിമാനത്താവളത്തിലെ ആഭ്യന്തര ടെര്മിനലായ ടി1 പൂര്ണ സജ്ജമാകുന്നു. വ്യാഴാഴ്ച ഉച്ചയ്ക്ക് ഒരുമണിയ്ക്ക് ശേഷം പുറപ്പെടുന്ന വിമാനങ്ങളില് പോകേണ്ട യാത്രക്കാര് ഒന്നാം ടെര്മിനലില് ചെക്ക്ഇന് ചെയ്യണം. വ്യാഴാഴ്ച ഉച്ചയ്ക്ക് 1.05 ന് ചെന്നൈയിലേയ്ക്ക് പുറപ്പെടുന്ന ഇന്ഡിഗോ വിമാനത്തിന്റെ ചെക്ക്ഇന് ആണ് ഒന്നാം ടെര്മിനലില് ആദ്യം നടക്കുക. ഇതിനായി രാവിലെ 10 ന് ടി1 ല് ചെക്ക്ഇന് പ്രവര്ത്തനം ആരംഭിക്കും. നിലവില് ചെക്ക്ഇന് രണ്ടാം ടെര്മിനലിലും പുറപ്പെടല് ഒന്നാം ടെര്മിനലിലുമാണ്. നവീകരിച്ച ഒന്നാം ടെര്മിനലിന്റെ പ്രവര്ത്തനം ഡിസംബറില് തുടങ്ങിയെങ്കിലും ചെക്ക്ഇന് മാത്രം രണ്ടാം ടെര്മിനലില് ആയിരുന്നു.
ആഗസ്റ്റിലെ പ്രളയത്തെത്തുടര്ന്ന് നവീകരണ പ്രവര്ത്തനത്തിന്റെ ഭാഗമായി സ്ഥാപിച്ചിരുന്ന ചില ഉപകരണങ്ങള് കേടായതിനാല് ടെര്മിനല്ഒന്നിലെ ചെക്ക്ഇന് സംവിധാനം ഒരുങ്ങിയിരുന്നില്ല. മൂന്നുമാസം കൊണ്ട് ഒന്നാം ടെര്മിനലിലെ വിശാലമായ ചെക്ക്ഇന് മേഖല ഒരുക്കാനും ഇന്ലേന് ബാഗേജ് സ്ക്രീനിങ് സംവിധാനം ഉള്പ്പെടെ പ്രവര്ത്തിപ്പിക്കാനും സിയാലിന് കഴിഞ്ഞു. നിലവിലെ രണ്ടാം ടെര്മിനലില് ചെക്ക് ഇന് ബാഗേജുകള് പ്രത്യേകമായി സ്ക്രീനിങ് നടത്തണം. ഇതിന് പുറമേ ബോര്ഡിങ് പാസ് എടുക്കാനും കൗണ്ടറില് വരി നില്ക്കണം. ഒന്നാം ടെര്മിനലില് ഇന്ലൈന് ബാഗേജ് സംവിധാനം സജ്ജമായതോടെ ചെക്ക്ഇന് ബാഗുകള് അതത്് കൗണ്ടറുകളില് നിക്ഷേപിച്ചാല് മതിയാകും.
രണ്ടാം ടെര്മിനലില് 29 ചെക്ക്ഇന് കൗണ്ടറുകളാണുള്ളത്. ഒന്നാം ടെര്മിനലില് 56 കൗണ്ടറുകളുണ്ട്. ഇവയില് നാലെണ്ണത്തില് സെല്ഫ്ബാഗ് ഡ്രോപ് സംവിധാനമുണ്ട്. യാത്രക്കാര്ക്ക് സ്വയം ചെക്ക്ഇന് നിര്വഹിക്കാന് 10 കിയോസ്ക്കുകളും ഒന്നാം ടെര്മിനലില് സജ്ജീകരിച്ചിട്ടുണ്ട്. ചെക്ക് ഇന് കഴിഞ്ഞശേഷം യാത്രക്കാര് ഒന്നാം നിലയിലെത്തും. ഇവിടെയാണ് സുരക്ഷാ സ്ക്രീനിങ് പരിശോധന. ഇവിടെ കേരളത്തിന്റെ തനത് കലാരൂപങ്ങള് പ്രദര്ശിപ്പിച്ചിട്ടുള്ള മ്യൂസിയം ഒരുക്കിയിട്ടുണ്ട്.
Lhttps://www.facebook.com/Malayalivartha