തിരഞ്ഞെടുപ്പ് കാലത്ത് സിനിമാ താരങ്ങള്‍ക്ക് പിന്നാലെയാണ് സ്ഥാനാര്‍ഥികള്‍. രണ്ടു ദിവസമായി മമ്മൂട്ടിയാണ് താരം. ആര്‍ക്കൊപ്പമാണ് മമ്മൂട്ടി. കഴിഞ്ഞ ദിവസമാണ് എറണാകുളം ലോക്‌സഭാ മണ്ഡലം എല്‍ഡിഎഫ് സ്ഥാനാര്‍ത്ഥി പി രാജീവിന് നടന്‍ മമ്മൂട്ടി വിജയാശംസകള്‍ നേര്‍ന്നത്. തെരഞ്ഞെടുപ്പ് പ്രചരണത്തിന്റെ ഭാഗമായി വോട്ടഭ്യര്‍ത്ഥിച്ച് മമ്മൂട്ടിയുടെ വീട്ടിലെത്തിയതായിരുന്നു പി രാജീവ്. രാജീവിന് മമ്മൂട്ടി എല്ലാവിധ ഭാവുകളും നേര്‍ന്നു. എല്ലാവരും വോട്ട് ചെയ്യണമെന്ന് മമ്മൂട്ടി ഓര്‍മ്മിപ്പിക്കുകയും ചെയ്തു. തെരഞ്ഞെടുപ്പിന്റെയും വോട്ടവകാശത്തിന്റെയും പ്രാധാന്യത്തെ കുറിച്ച് ഓര്‍മിപ്പിക്കാന്‍ മമ്മൂട്ടി മറന്നില്ല. പൗരനെ സംബന്ധിച്ചിടത്തോളം അഞ്ച് വര്‍ഷം കൂടുമ്പോള്‍ കിട്ടുന്ന അധികാരമാണ് വോട്ടവകാശം. അത് എല്ലാവരും വിനിയോഗിക്കണം. ആര്‍ക്കായാലും വോട്ട് ചെയ്യണം. വോട്ട് ചെയ്യാതിരിക്കുക എന്നത് ജനാധിപത്യ പ്രക്രിയയുടെ ഭാഗമാകാതിരിക്കലാണെന്നും മമ്മൂട്ടി ഓര്‍മ്മിപ്പിച്ചു. പ്രചരണത്തെ കുറിച്ചും മറ്റ് കാര്യങ്ങളും മമ്മൂട്ടി രാജീവില്‍ നിന്നും ചോദിച്ചറിഞ്ഞു. അല്‍പനേരം ഒരുമിച്ചിരുന്ന് സംസാരിച്ച ശേഷമാണ് രാജീവ് വീണ്ടും പ്രചരണത്തിന്റെ തിരക്കിലേക്ക് ഇറങ്ങിയത്. 

വടകരയില്‍ മുരളീധരന്‍; വയനാട്ടില്‍ ടി സിദ്ദിഖ്
വടകരയിലെ സ്ഥാനാര്‍ത്ഥി പ്രഖാപനത്തിനു പിന്നാലെയാണ് എം എം മണി ട്രോളുമായി രംഗത്തെത്തിയത്. മന്ത്രിയുടെ പോസ്റ്റിനെ തേടി 8400 റിയാക്ഷന്‍സും അനുകൂലവും പ്രതികൂലവുമായ 895 കമന്റുകളും എത്തിയിട്ടുണ്ട്. 1220 പേര്‍ മന്ത്രി പോസ്റ്റ് ഷെയര്‍ ചെയ്തിട്ടുണ്ട്.
തൃശൂരിലെ കോണ്‍ഗ്രസ് സ്ഥാനാര്‍ഥി ടി.എന്‍.പ്രതാപന്‍ പിന്തുണതേടി കൊച്ചിയില്‍ മമ്മൂട്ടിയുടെ വസതിയിലെത്തി. ഡിജിറ്റല്‍ ക്യാപെയിന്റെ ഭാഗമായി പ്രതാപന്റെ ഫെയ്‌സ്ബുക്ക് പേജ് മമ്മൂട്ടി പ്രകാശനം ചെയ്തു. കൊച്ചിയിലെ മമ്മൂട്ടിയുടെ ഈ വസതിയിലേയ്ക്ക് ഇപ്പോള്‍ സ്ഥാനാര്‍ഥികളുടെ ഒഴുക്കാണ്. അതിന് ഇടതുപക്ഷമെന്നോ വലതുപക്ഷമെന്നോ വ്യത്യസമില്ല. പിന്തുണ തേടി മാത്രമല്ല, പ്രചാരണത്തിന്റെ കൊഴുപ്പുകൂട്ടാനും എല്ലാവര്‍ക്കും മമ്മൂട്ടിയെ വേണം. പ്രചാരണ തിരക്കിനിടയിലും തൃശൂരിലെ കോണ്‍ഗ്രസ് സ്ഥാനാര്‍ഥി ടി.എന്‍.പ്രതാപന്‍ മമ്മൂട്ടിയെ കാണാന്‍ കൊച്ചിയിലെത്തി. പ്രതാപന്റെ ഡിജിറ്റല്‍ ക്യാംപെയിന്‍ മമ്മൂട്ടി പ്രകാശനം ചെയ്തു. തീര്‍ന്നില്ല ദേ വരുന്നു ടി.എന്‍. പ്രതാപന്‍. രണ്ടു കയ്യും നീട്ടി മമ്മൂട്ടി സ്വീകരിച്ചു. പ്രതാപന്‍ ജയിച്ച് കാണണമെന്നാണ് ആഗ്രഹമെന്ന് പറഞ്ഞ മമ്മൂട്ടി, പക്ഷെ രാഷ്ട്രീയ ചായ്‌വിന് ഇടംനല്‍കിയില്ല. മുന്‍പ് മമ്മൂട്ടിയുടെ ഫാന്‍സ് അസോസിയേഷനില്‍ ഉണ്ടായിരുന്ന പ്രതാപന് താരവുമായി ദീര്‍ഘനാളത്തെ ബന്ധമുണ്ട്. ജ്യേഷ്ഠസഹോദരന്‍ എന്ന നിലയിലാണ് മമ്മൂട്ടിയുടെ പിന്തുണതേടി എത്തിയതെന്ന് പ്രതാപന്‍ പറഞ്ഞു. അരമണിക്കൂറോളം മമ്മൂട്ടിയുടെ വീട്ടില്‍ ചിലവഴിച്ച ശേഷമാണ് പ്രതാപന്‍ മടങ്ങിയത്.