തുഷാറിനെ വെള്ളാപ്പള്ളി തോല്പിക്കും; മത്സരിക്കണമെങ്കില് യോഗം വൈസ് പ്രസിഡന്റ് സ്ഥാനം ഒഴിയണം; തുഷാര് വെള്ളാപ്പള്ളി തിരഞ്ഞെടുപ്പില് മത്സരിച്ചാല് തോല്ക്കുമെന്ന് വെള്ളാപ്പള്ളി നടേശന്
തുഷാര് വെള്ളാപ്പള്ളി തിരഞ്ഞെടുപ്പില് മത്സരിച്ചാല് തോല്ക്കുമെന്ന അഭിപ്രായം വെള്ളാപ്പള്ളി നടേശന് ആവര്ത്തിക്കുകയാണ്. മത്സരിക്കണമെങ്കില് യോഗം വൈസ് പ്രസിഡന്റ് സ്ഥാനം ഒഴിയണം. തോല്ക്കുന്ന സീറ്റ് നല്കി ഷാനിമോള് ഉസ്മാനെ കോണ്ഗ്രസ് നേതൃത്വം പറ്റിച്ചു. സ്ഥാനാര്ഥി പട്ടികയില് ഈഴവരെ കോണ്ഗ്രസ് അവഗണിച്ചെന്നും വെള്ളാപ്പള്ളി പറഞ്ഞു. ബിജെപി സാധ്യത കാണുന്ന മണ്ഡലങ്ങളിലൊന്നായ തൃശ്ശൂരില് മത്സരിക്കാന് തുഷാറിന് മേല് ബിജെപി നേതാക്കളുടെ സമ്മര്ദ്ദം തുടരുകയാണ്.
അതുകൊണ്ടുതന്നെ തൃശ്ശൂര് മണ്ഡലത്തിനായി ബിജെപി നേതാക്കളാരും ഇതുവരെ അവകാശവാദം ഉന്നയിച്ചിട്ടുമില്ല. കേന്ദ്ര തെരഞ്ഞെടുപ്പ് കമ്മിറ്റിക്ക് അയച്ചിരിക്കുന്ന സാധ്യതാ പട്ടികയില് തൃശ്ശൂരിലെ ഒന്നാം പേരുകാരനും തുഷാറാണ്. എന്നാല് മത്സരിക്കുന്ന കാര്യത്തില് തുഷാര് ഇതുവരെ സമ്മതം മൂളിയിട്ടില്ല. തൃശ്ശൂരില് എന്ഡിഎ സ്ഥാനാര്ത്ഥിയായി തുഷാര് മത്സരിച്ചാല് എസ്എന്ഡിപി യോഗം പിന്തുണയ്ക്കുമോ? വെള്ളാപ്പള്ളി നടേശന് നയം വ്യക്തമാക്കുന്നുത് ഇങ്ങനെ. തുഷാര് മല്സരിക്കുകയാണെങ്കില് എസ്എന്ഡിപി ഭാരവാഹിത്വം രാജിവെക്കുമോ.
തുഷാര് അച്ചടക്കമുള്ള പ്രവര്ത്തകനാണെന്നാണ് വിശ്വാസം.
തുഷാര് എന്ഡിഎ സ്ഥാനാര്ത്ഥിയായി മത്സരിച്ചാല് എസ്എന്ഡിപി പിന്തുണ കൊടുക്കുമോ. എസ്എന്ഡിപിക്ക് എല്ലാവരോടും ശരിദൂരമാണ്. ഇനി തുഷാര് മത്സരിച്ചാല് നിലപാട് മാറ്റുമോ.
ഇല്ല, ശരിദൂരത്തില് തന്നെ പോകും. തുഷാറിനെ ജയിപ്പിക്കണം എന്ന് പറയില്ല അല്ലേ?'സംഘടനയുടേതായി പറയേണ്ട ബാധ്യതയില്ല, സംഘടനയ്ക്കകത്ത് എല്ലാവരുമുണ്ട്. സംഘടനയ്ക്ക് അകത്തുനിന്നുകൊണ്ട് അവരവരുടെ രാഷ്ട്രീയ അഭിപ്രായമനുസരിച്ച് പ്രവര്ത്തിക്കുന്നതിനൊന്നും ഞങ്ങളാരും എതിരല്ല. അത് എത്രയോ വട്ടം പറഞ്ഞിട്ടുണ്ട്. തുഷാറിന് ജയസാധ്യതയുണ്ടോ?
'എല്ലാവരും നില്ക്കുന്നത് ജയിക്കാന് വേണ്ടിയാണ്. എണ്ണിക്കഴിയുമ്പോള് എല്ലാവരും അങ്ങനെ തോറ്റു, ഇങ്ങനെ തോറ്റു, ഇങ്ങനെ ജയിച്ചു എന്നെല്ലാം പറഞ്ഞ് ന്യായീകരിക്കും. ആര് ജയിക്കുമെന്ന് അരിയാഹാരം കഴിക്കുന്നവര്ക്ക് അറിയാം.'
തുഷാറിന്റെ സ്ഥാനാര്ത്ഥിത്വം സംബന്ധിച്ച വെള്ളാപ്പള്ളിയുടെ മനസിലിരിപ്പ് ഏതാണ്ട് വ്യക്തമായെങ്കിലും കൃത്യമായ ഒരുത്തരം നേരിട്ടു പറയാന് അദ്ദേഹം തയ്യാറായില്ല. പക്ഷേ മകന്റെ സ്ഥാനാര്ത്ഥിത്വത്തില് വെള്ളാപ്പള്ളിക്ക് വലിയ താല്പ്പര്യമില്ലെന്ന് ശരീരഭാഷയില് നിന്നും വ്യക്തം
https://www.facebook.com/Malayalivartha