അമ്മയെ വേദനിപ്പിച്ച പതിനേഴുകാരനോടുള്ള സങ്കടം തീർത്തത് സ്വയം ജീവനൊടുക്കി; വീട്ടുസാധനങ്ങള് നശിപ്പിച്ച് വീട്ടില് നിന്ന് ഇറങ്ങിപ്പോയ മകന്റെ അനുസരണക്കേടില് മനംനൊന്ത് വടക്കാഞ്ചേരിയിൽ വിഷം കലർന്ന ഇല കഴിച്ച് അമ്മ ആത്മഹത്യ ചെയ്തു...
പതിനേഴുവയസുകാരന്റെ അനുസരണക്കേടിന് അമ്മയുടെ ജീവൻ വിലകൊടുക്കേണ്ടിവന്നു. വള്ളിയോട് പൂക്കാട് ബാബുവിന്റെ ഭാര്യ സ്വപ്നയാണ് (37) മരിച്ചത്. തിങ്കളാഴ്ച രാത്രിയാണ് സംഭവം. വിഷം കഴിച്ച സ്വപ്ന വിവരം ബംഗളൂരുവില് ജോലിയുള്ള മൂത്ത മകന് സിബിനെ വിളിച്ചറിയിച്ചു. ഉടന് മകന് അയല്വാസികള്ക്ക് വിവരം നല്കി. ആലത്തൂര് താലൂക്ക് ആശുപത്രിയിലും പിന്നീട് പാലക്കാട്ടെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല. ഇളയ മകന്റെ അനുസരണയില്ലാത്ത സ്വഭാവത്തില് ഇടയ്ക്കിടെ വഴക്കുണ്ടാകാറുള്ളതായി പൊലീസ് പറഞ്ഞു.
ഇത്തരത്തില് തിങ്കളാഴ്ച ഉച്ചയ്ക്കും വഴക്കുണ്ടായി. വഴക്ക് മൂത്ത് 17 വയസുള്ള മകന് വീട്ടുസാധനങ്ങള് നശിപ്പിച്ച് വീട്ടില് നിന്ന് ഇറങ്ങിപ്പോയി. ഇതിനെത്തുടര്ന്നാണ് സ്വപ്ന മനോവിഷമത്തില് രാത്രിയോടെ വിഷയില കഴിച്ചത്. ഭര്ത്താവ് ബാബു ഹോട്ടല് ജോലിയുമായി തൃശൂര് പട്ടിക്കാടായിരുന്നു. വടക്കഞ്ചേരി പൊലീസ് മേല്നടപടി സ്വീകരിച്ചു.
https://www.facebook.com/Malayalivartha