കിലോയ്ക്ക് 200 രൂപ മുടക്കി വാങ്ങിയ അയല രാത്രിയിൽ വെട്ടിത്തിളങ്ങുന്നത് കണ്ട് ഞെട്ടി വീട്ടുകാർ. മത്സ്യം കുറച്ചു ദിവസം കേടുവരാതിരിക്കാന്‍ ചേര്‍ക്കുന്ന രാസവസ്തുവാണ് തിളക്കത്തിനു കാരണമെന്നാണ് മത്സ്യത്തൊഴിലാളികള്‍ പറയുന്നത്. മലപ്പുറം തിരൂരിലാണ് സംഭവം. മീന്‍ തിളങ്ങുന്നത് കണ്ട് ഭയന്ന വീട്ടുകാര്‍ ആരും മത്സ്യം കറിവച്ചില്ല. വാങ്ങുമ്ബോള്‍ തന്നെ വെള്ളയും പച്ചയും കലര്‍ന്ന നിറത്തിലായിരുന്നു മത്സ്യമെന്ന് പ്രദേശവാസികള്‍ പറഞ്ഞു.

രാത്രി മത്സ്യം വൃത്തിയാക്കാനായി എടുത്തപ്പോള്‍ ഇത് തിളങ്ങുകയായിരുന്നു. മത്സ്യംകുറേദിവസം കേടുവരാതിരിക്കാന്‍ ചേര്‍ക്കുന്ന രാസവസ്തുവാണ് തിളക്കത്തിനു കാരണമെന്നാണ് മത്സ്യത്തൊഴിലാളികള്‍ പറയുന്നത്. മത്സ്യ ലഭ്യ കുറഞ്ഞപ്പോള്‍ അയല്‍ സംസ്ഥാനങ്ങളില്‍ നിന്നാണ് അയല, മത്തി തുടങ്ങിവ കേരളത്തില്‍ എത്തുന്നത്. എന്നാല്‍ ഇവയുടെ പരിശോധന കാര്യക്ഷമമല്ലെന്ന് ആക്ഷേപം നിലനില്‍ക്കുന്നുണ്ട്.