യാത്രക്കാര് രണ്ടുകോടി കടന്നത് വിപുലമായി ആഘോഷിക്കാന് ഒരുങ്ങി കൊച്ചി മെട്രോ
കൊച്ചി മെട്രോയില് യാത്ര ചെയ്തവരുടെ എണ്ണം രണ്ടു കോടി കടന്നത് വന്ആഘോഷമാക്കുകയാണ് കൊച്ചി മെട്രോ. മെട്രോ ടു ക്രോര് ഫിയസ്റ്റ ആഘോഷ പരിപാടി ഇന്നു വൈകുന്നേരം 6.30-നാണ് സംഘടിപ്പിച്ചിരിക്കുന്നത്. ഇടപ്പള്ളി മെട്രോ സ്റ്റേഷനില് നടക്കുന്ന പരിപാടിയില് സിനിമാ താരങ്ങളായ ജയസൂര്യ, നിഖില വിമല് എന്നിവര് മുഖ്യാതിഥികളായിരിക്കും.
ആക്സിസ് ബാങ്ക്, വണ്ടര്ലാ അമ്യൂസ്മെന്റ് പാര്ക്ക്, ജെഡി ഇന്സ്റ്റിറ്റ്യൂട്ട് ഓഫ് ഫാഷന് ടെക്നോളജി എന്നിവരുടെ സഹകരണത്തോടെയാണ് പരിപാടി സംഘടിപ്പിക്കുന്നത്.
ഇതോടനുബന്ധിച്ച് ജെഡി ഇന്സ്റ്റിറ്റ്യൂട്ട് അവതരിപ്പിക്കുന്ന ഫാഷന്ഷോയും അരങ്ങേറും. പിന്നണി ഗായകന് നിരഞ്ജ് സുരേഷ് അവതരിപ്പിക്കുന്ന മ്യൂസിക് ബാന്ഡിന്റെ പ്രകടനവും നടക്കും. ജയസൂര്യ, നിഖില, കൊച്ചി മെട്രോ എംഡി എ.പി.എം. മുഹമ്മദ് ഹനീഷ് എന്നിവര് ചേര്ന്ന് കേക്ക് മുറിച്ച് ആഘോഷങ്ങള്ക്കു തുടക്കം കുറിക്കും.
പൊതുജനങ്ങള്ക്കും പരിപാടിയില് പങ്കെടുക്കാം. പരിപാടിയില് പങ്കെടുക്കാനെത്തുന്നവര് ലുലുമാളിന് എതിര്വശത്തുള്ള പാര്ക്കിംഗ് ഏരിയയില് വാഹനങ്ങള് പാര്ക്ക് ചെയ്യണമെന്ന് അധികൃതര് അറിയിച്ചു.
കലൂര് മേഖലയില് നിന്നു വരുന്നവര് കാറുകള് ചങ്ങമ്പുഴ പാര്ക്ക് മെട്രോ സ്റ്റേഷനിലും ആലുവയില് നിന്ന് വരുന്നവര് കുസാറ്റ് സ്റ്റേഷനിലോ കളമശേരിയിലോ പാര്ക്ക് ചെയ്യണം.
https://www.facebook.com/Malayalivartha
