കെ.മുരളീധരനെ ശക്തമായി പിന്തുണച്ച് ആഭ്യന്തരമന്ത്രി രമേശ് ചെന്നിത്തല രംഗത്ത്. മുരളീധരന്‍ വിശ്വസിക്കാന്‍ കൊള്ളാവുന്ന നേതാവാണ്. മുരളി ഏറ്റവും നല്ല കെ.പി.സി.സി പ്രസിഡന്റായിരുന്നു. മുരളിയെ പാര്‍ട്ടിയിലേക്ക് തിരിച്ചെടുത്തത് താന്‍ കെ.പി.സി.സി പ്രസിഡന്റ് ആയിരുന്നുപ്പോഴാണ്. അതിനാല്‍ തന്നെ അദ്ദേഹത്തില്‍ തനിക്ക് നല്ല വിശ്വാസമാണെന്നും ചെന്നിത്തല പറഞ്ഞു. തിരുവനന്തപുരത്ത് മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം. 

പാലക്കാടും വയനാടും ഉണ്ടായ ആക്രമണങ്ങള്‍ മാവോയിസ്റ്റ് ആഭിമുഖ്യമുള്ളവര്‍ നടത്തിയതാണ്. ആക്രമണം ഭീരുത്വമാണ്. ആക്രമണത്തിന് സര്‍ക്കാര്‍ വെടിയുണ്ടകള്‍ കൊണ്ട് മറുപടി പറയില്ലെന്നും ചെന്നിത്തല പറഞ്ഞു. 
അമിതവേഗം കണ്ടെത്താന്‍ സംസ്ഥാനത്തെ പ്രധാന റോഡുകളിലെല്ലാം കാമറ സ്ഥാപിക്കും. ഗതാഗത നിയമങ്ങള്‍ ലംഘിക്കുന്നവര്‍ക്ക് കര്‍ശന ശിക്ഷ നല്‍കും. എല്ലാ പൊലീസ് സ്‌റ്റേഷനുകള്‍ക്കും സ്പീഡ് റഡാറുകളും ആല്‍ക്കഹോള്‍മീറ്ററുകളും നല്‍കും. പൊതുജനങ്ങള്‍ പരാതികള്‍ വാട്‌സ് ആപ്പ് വഴി നല്‍കാനുള്ള സംവിധാനം കൊണ്ടുവരുമെന്നും മന്ത്രി അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha