ശബരിമല; നിലയ്ക്കലിൽ നിരോധനാജ്ഞ ലംഘിച്ച കേസിൽ ഉമ്മന്ചാണ്ടി ഉള്പ്പെടെയുള്ള യുഡിഎഫ് നേതാക്കള് ഇന്ന് കോടതിയില് ഹാജരാകും
23 MARCH 2019 08:34 AM IST
മലയാളി വാര്ത്ത
ശബരിമല പ്രതിഷേധവുമായി ബന്ധപ്പെട്ട് നിലയ്ക്കലില് നിരോധനാജ്ഞ ലംഘിച്ച കേസില് മുൻ മുഖ്യമന്ത്രി ഉമ്മൻ ചാണ്ടി ഉൾപ്പെടെയുള്ള യൂ ഡി എഫ് നേതാക്കൾ ഇന്ന് റാന്നി കോടതിയിൽ ഹാജരാകും. കേസില് ജാമ്യം എടുക്കാനാണ് ഉമ്മന് ചാണ്ടി, എന് കെ പ്രേമചന്ദ്രന് , ആന്റോ ആന്റണി എന്നിവര് ഹാജരാകുന്നത്. റാന്നി ഗ്രാമന്യായാലയം രാവിലെ 11 മണിക്ക് കേസ് പരിഗണിക്കും.
ശബരിമലയില് ഉണ്ടായ അക്രമസംഭവങ്ങളുടെ പശ്ചാത്തലത്തില് തീര്ത്ഥാടകര്ക്ക് ഏര്പ്പെടുത്തിയ നിയന്ത്രണത്തെ ചോദ്യം ചെയ്താണ് യുഡിഎഫ് നിലയ്ക്കലിലും പമ്പയിലും നിരോധനാജ്ഞ ലംഘിച്ചത്.
നിലയ്ക്കലില് നിന്ന് പമ്പയിലേക്ക് പോകാന് എത്തിയ നേതാക്കള്ക്കൊപ്പം പ്രവര്ത്തകരെ വിടാനാകില്ലെന്ന് പോലീസ് അറിയിച്ചതിനെ തുടര്ന്ന് യുഡിഎഫ് നേതാക്കളുടെ നേതൃത്വത്തില് കുത്തിയിരുന്ന് പ്രതിഷേധ പ്രകടനം നടത്തിയത് .
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
