ഇപ്പോൾ പരീക്ഷ കാലഘട്ടമാണ് . ഈ സാഹചര്യത്തിൽ ഒരു ഉത്തരക്കടലാസ് വൈറലാവുകയാണ്. അതും മലയാള ഉത്തരക്കടലാസ്. ഉത്തരക്കടലാസിൽ മുഴുവൻ സിനിമയിലൂടെ മാസ് ഡയലോഗുകളാണ് നിറച്ചുവെച്ചിരിക്കുന്നത്.

ഇതാണിപ്പോൾ സോഷ്യൽ മീഡിയയില്‍ തരംഗം സൃഷ്ടിക്കുന്നത്. കടലാസിൽ കെജിഎഫും ബാഹുബലിയും പുലിമുരുകനും മിക്‌സ് ചെയ്ത ഒരു ഫ്യൂഷനാണ് ഉൾപ്പെടുത്തിയിരിക്കുന്നത്. ഇതെഴുതിയിരിക്കുന്ന വിരുതനാണ് ഇപ്പോള്‍ സോഷ്യല്‍ മീഡിയയിലെ താരം. രാമായണം ഉപന്യാസം എഴുതാനുള്ളിടത്താണ് തീപ്പൊരി മാസ്സ് സിനിമാ ഡയലോഗുകളാണ് നിറച്ച് .

സിനിമാ തിരക്കഥകളെ വെല്ലുന്ന ഉത്തരമെഴുത്താണ് കടലാസ് മൊത്തം . ഇത് സംവിധായകന്‍ രഞ്ജിത്ത് ശങ്കര്‍ ഉള്‍പ്പെടെയുള്ളവര്‍ ഫെയ്‌സ്ബുക്കില്‍ പങ്കുവച്ചതോടെയാണ് ചര്‍ച്ചയായത്. നിമിഷ നേരം കൊണ്ടാണ് ഇത് വൈറലായിരിക്കുന്നത്.

സീതയുടെ ചാരിത്ര്യത്തെ സംശയിച്ചവരുടെ തലയാണ് വെട്ടേണ്ടത് എന്ന ആമുഖത്തോടെയാണ് ഉത്തരം ആരംഭിക്കുന്നത് . വാനര സംഘത്തോടൊപ്പം വന്ന രാമനേയും സംഘത്തേയും ഗ്യാങ്സ്റ്റര്‍ എന്ന് വിശേഷിപ്പിച്ച വിരുതന്‍ രാവണന് മോണ്‍സ്റ്റര്‍ പട്ടം ചാര്‍ത്തി നല്‍കി കെജിഎഫ് ഡയലോഗിനോട് നീതി പുലർത്തുകയായിരുന്നു ചെയ്തത് . പത്തു തലയില്‍ ശക്തിയും അതിനൊത്ത ബുദ്ധിയുമുള്ള അറുമുഖനാണ് രാവണണെന്ന ഡയലോഗ് തൊട്ടു പിന്നാലെ. രാവണന്‍ തല്ലിയ പത്ത് പേരും രാജാക്കന്‍മാരായിരുന്നു എന്ന ഡയലോഗും ഉപന്യാസത്തില്‍ വാലായി എത്തുന്നുണ്ട്.

എന്തായാലും ഈ മാസ് ഡയലോഗും അതെഴുതിയ വിരുതനും സോഷ്യല്‍ മീഡിയയില്‍ ചിരി പടക്കത്തിന് തിരികൊളുത്തിയിരിക്കുകയാണ് . ഇതിനകം നിരവധി പേരാണ് ഈ ഉത്തര പേപ്പര്‍ ഷെയര്‍ ചെയ്തു കഴിഞ്ഞിരിക്കുന്നത് .