ഇന്നലെ വൈകിട്ട് പത്തനംതിട്ട ലോട്ടറി ഓഫീസില്‍ നിന്ന് വിവരം അറിഞ്ഞതു മുതല്‍ അന്വേഷണത്തിലാണ്. കൂട്ടമായി ടിക്കറ്റ് വാങ്ങുന്ന ഇതര സംസ്ഥാന തൊഴിലാളികള്‍ ആരെങ്കിലുമാകാം കാണാമറയത്തെ ഭാഗ്യശാലിയെന്നാണ് കരുതുന്നത്. സ്ഥിരമായി ടിക്കറ്റ് വാങ്ങുന്നവരെയെല്ലാം തെരഞ്ഞുപിടിച്ച്‌ വിവരം തിരക്കിവരികയാണ്. നേരിട്ട് വില്‍പന നടത്തിയ ടിക്കറ്റിനാണ് സമ്മാനം ലഭിച്ചത്. എന്നാല്‍ ഭാഗ്യശാലി ഇതുവരെ പ്രത്യക്ഷപ്പെട്ടിട്ടില്ല.

കേരള ഭാഗ്യക്കുറിയുടെ ഇന്നലെ നറുക്കെടുപ്പ് നടന്ന കാരുണ്യ യുടെ ഒന്നാം സമ്മാനത്തിന് അര്‍ഹമായ ടിക്കറ്റ് വാങ്ങിയ ഭാഗ്യശാലിയെ തേടുകയാണ് വില്‍പന നടത്തിയ ഏജന്‍സി. 80 ലക്ഷം സമ്മാനമുള്ള 'കെബി 114954' നമ്ബര്‍ ഭാഗ്യക്കുറി വിറ്റത് ചിറ്റാര്‍ ജംക്ഷനിലെ റെഡ് ചില്ലീസ് ലക്കി സെന്റര്‍ ആണ്.