'സീറോ അവര്' പദ്ധതിയുമായി തിരുവനന്തപുരം ട്രാഫിക് പൊലീസ്
തിരുവനന്തപുരം സിറ്റി പൊലീസ് ട്രാഫിക് നിയമലംഘനങ്ങള് കുറയ്ക്കാന് വ്യത്യസ്തമായ പദ്ധതിയുമായി രംഗത്ത്. ഇനി എല്ലാ ദിവസവും മുന് നിര്ണ്ണയിക്കപ്പെട്ടിട്ടുള്ള ഒരു മണിക്കൂര് നേരത്തുള്ള വാഹന പരിശോധനയില് പിടിക്കപ്പെടുന്നവര്ക്ക് പിഴയ്ക്ക് പകരം ബോധവത്കരണ ക്ലാസ് നടത്താനാണ് സിറ്റി പൊലീസിന്റെ തീരുമാനം.'സിറോ അവര്' എന്നാണ് ഈ ആശയത്തിന് സിറ്റി പൊലീസ് നല്കിയിരിക്കുന്ന പേര്.
ആ ഒരു മണിക്കൂറില് ട്രാഫിക് നിയമലംഘനം നടത്തിയാല് പിഴയില്ല. പകരം ബോധവല്ക്കരണ ക്ലാസില് പങ്കെടുക്കണം. നിയമനടപടി നേരിടേണ്ടിവരുന്നത് പങ്കെടുക്കാതെ മുങ്ങിയാല് മാത്രമാണ്. ഇനി ആ മണിക്കൂര് ഏതാണെന്ന് അറിഞ്ഞ് നിമയലംഘനം നടത്താമെന്നാണെങ്കില് അതും പറ്റില്ല. കാരണം ഓരോ ദിവസവും വ്യത്യസ്ത സമയങ്ങളിലാകും സീറോ അവര് ഉണ്ടാവുക.
ജില്ലയിലെ മുഴുവന് സ്റ്റേഷനുകളിലെയും പൊലീസ് ഉദ്യോഗസ്ഥര് ഇനി എല്ലാ ദിവസവും ഒരു മണിക്കൂര് വാഹന പരിശോധനയ്ക്കിറങ്ങാനും തീരുമാനമായി. ട്രിവാന്ഡ്രം സിറ്റി വിജില് എന്ന പേരില് പൊതുജനങ്ങള്ക്ക് ട്രാഫിക് നിയമ ലംഘനങ്ങള് മൊബൈലില് ചിത്രീകരിച്ച് പൊലീസിന് കൈമാറാനുള്ള സംവിധാനവും ഒരുക്കിയിട്ടുണ്ട്. ദൃശ്യങ്ങള് 9497975000 എന്ന വാട്സ് ആപ്പ് നമ്പറിലേക്കാണ് അയക്കേണ്ടത്.എല്ലാ പരാതികളിലും നടപടി ഉറപ്പെന്നും സിറ്റി പൊലീസ് കമ്മീഷണര് ഉറപ്പ് പറയുന്നു.
https://www.facebook.com/Malayalivartha
