വയനാട്ടിൽ കടുവ അക്രമണം; വനപാലക സംഘത്തിന് പരിക്കേറ്റു; ഒരാളുടെ നില ഗുരുതരം

വയനാട് ഇരുളത്ത് വനപാലക സംഘത്തെ കടുവ ആക്രമിച്ചു. മൂന്ന് വാച്ചര്മാര്ക്ക് പരിക്കേറ്റു. ഒരാളുടെ നില ഗുരുതരമാണ്. ഇയാളെ കോഴിക്കോട് മെഡിക്കല് കോളേജില് പ്രവേശിപ്പിച്ചിരിക്കുകയാണ്. ചീയമ്ബം സ്വദേശി ഷാജനാണ് ഗുരുതരമായി പരിക്കേറ്റത്.
ദിവസവേതനാടിസ്ഥാനത്തില് ജോലി ചെയ്യുന്ന വാച്ചറായ ഷാജന് ആദിവാസിയാണ്. ഇയാളുടെ തലയ്ക്കാണ് പരിക്കേറ്റത്. പത്തരയ്ക്കായിരുന്നു അപകടമുണ്ടായത്. കാട്ടുതീ ഉണ്ടാകാനുള്ള സാധ്യത കണക്കിലെടുത്ത് പ്രത്യേകമായെടുത്ത വാച്ചര്മാര് വനത്തില് നിരീക്ഷണത്തിന് പോയതായിരുന്നു. പ്രദേശത്ത് കുറേ ദിവസമായി കടുവയുടെ ശല്യമുണ്ടായിരുന്നു. വളര്ത്തുമൃഗങ്ങളെ ഉപദ്രവിച്ചുവെന്ന് നാട്ടുകാര് പരാതി കൊടുത്തതിനെത്തുടര്ന്ന് വനം വകുപ്പ് കൂട് വെച്ചിരുന്നു. എന്നാല് അപ്രതീക്ഷിതമായി മറ്റൊരു സ്ഥലത്ത് നിന്നാണ് കടുവയുടെ ആക്രമണമുണ്ടായത്. പുല്പ്പള്ളി ബത്തേരി റോഡ് ആളുകള് ഉപരോധിച്ചിരിക്കുകയാണ്.
https://www.facebook.com/Malayalivartha
























