കുഞ്ഞുമായി എത്തിയ വനിതാ എം.പിയെ പുറത്താക്കി പാര്ലമെന്റ്
ഡാനിഷ് പാർലമെന്റിൽ നിന്ന് വനിതാ എം പിയെ പുറത്താക്കി. ഭരണകക്ഷി അംഗം അബില് ഗാര്ഡിനാണ് ഈ ദുരവസ്ഥ ഉണ്ടായത്. കുഞ്ഞുമയിയാണ് ഇവർ പാർലമെന്റിൽ എത്തിയത്. കുഞ്ഞുമായി പാര്ലമെന്റില് എത്താനുള്ള അനുമതി ചോദിച്ചിരുന്നില്ല എന്ന കാരണം പറഞ്ഞാണ് അവസരം നിഷേധിച്ചത്.
അഞ്ചുമാസം പ്രായമുള്ള കുഞ്ഞുമായി പാര്ലമെന്റില് എത്തിയ അബില്ഗാര്ഡിനോട് പ്രവേശനാനുമതി ഇല്ലെന്ന് സ്പീക്കര് അറിയിക്കുകയായിരുന്നു. തുടര്ന്ന് പുറത്തിറങ്ങിയ അബില്ഗാര്ഡ് കുഞ്ഞിനെ സഹായിയെ ഏല്പ്പിച്ചശേഷമാണ് പാര്ലമെന്റില് പ്രവേശിച്ചത്. എം.പി തന്നെയാണ് ഇക്കാര്യം ഫേസ്ബുക്ക് പേജിലൂടെ പുറത്തുവിട്ടത്.
''കുഞ്ഞുമായി മുൻപ് ഞാന് പാര്ലമെന്റില് വന്നിട്ടില്ല. പക്ഷേ കഴിഞ്ഞ ദിവസം എനിക്കു മുൻപിൽ മറ്റുമാര്ഗങ്ങള് ഉണ്ടായിരുന്നില്ല. കുഞ്ഞിന്റെ അച്ഛനാണ് അവളെ പതിവായി നോക്കിയിരുന്നത്. അദ്ദേഹത്തിന് തിരക്കായതുകൊണ്ടാണ് കുഞ്ഞുമായി ഞാന് പാര്ലമെന്റില് എത്തിയത്. എന്റെ മകള് കരഞ്ഞ് ബഹളം വയ്ക്കുന്ന കുട്ടിയല്ല. എന്തുകൊണ്ടാണ് കുഞ്ഞിനെ കയറ്റാത്തതെന്ന് അറിയില്ല - അബില് പറഞ്ഞു. ഇതിപ്പോൾ വൻ ചർച്ചയാവുകയാണ്
ഡെന്മാര്ക്കിലെ നിയമം അനുസരിച്ച് വനിതാ എം. പിമാര്ക്ക് പൂര്ണശമ്ബളത്തോടെയുള്ള ഒരു വര്ഷത്തെ പ്രസവാവധി ലഭിക്കും. ഇൗ അവധി വെട്ടിച്ചുരുക്കിയാണ് അബില്ഗാര്ഡ് പാര്ലമെന്റില് എത്തിയത്. സ്പീക്കറുടെ നടപടിക്കെതിരെ പ്രതിഷേധം ഉയരുകയാണ്.
https://www.facebook.com/Malayalivartha